Gənclər üçün Təhsil Mərkəzi (GTM) bu gündən etibarən Azərbaycan Respublikasının dövlət müstəqilliyinin 20-ci ildönümü münasibəti ilə həvəskar gənclər arasında video çarx müsabiqəsini elan edir. GTM-dən SİA-ya verilən xəbərə görə, müsabiqənin əsas məqsədi gənclərin dövlət müstəqilliyinin əldə olunması, qorunub saxlanması və inkişaf etdirilməsi istiqamətində fikirlərini ictimaiyyətə çatdırmaq, onların yeni təşəbbüslərinin formalaşmasına və müstəqilliyimizin qorunmasında gənclərin ən aparıcı qüvvə olmasına kömək etməkdir.
Müsabiqədə Azərbaycanın hər bir regionundan təmsil olunan və yaşı 16-dan 25-dək olan gənclər iştirak edə bilər. İştirak etmək niyyətində olan hər bir gənc müsabiqəyə özünün arzu etdiyi formatda və ssenaridə video roliklər təqdim edəcək. Cari ilin oktyabr ayının 6-dək davam edəcək müsabiqənin nəticələrini ekspertlər komissiyası qısa müddətdə qiymətləndirdikdən sonra ictimaiyyətə açıqlanacaq.
Bütün xəbərlər Facebook səhifəmizdə
USD
EUR
GBP
RUB