“İlham Əliyev tərəfindən Xocavənd rayonunun Xanoba kəndində aparılan bərpa və yenidənqurma işləri ilə tanışlıq, ölkədə post-münaqişə dövründə həyata keçirilən genişmiqyaslı quruculuq siyasətinin mühüm tərkib hissəsidir”.
Bu sözləri SİA -ya açıqlamasında Millət Vəkili Ülviyyə Həmzəyeva bildirib.
Onun sözlərinə görə, bu səfər yalnız görülən işlərin yoxlanılması deyil, həm də dövlətin əsas prioritetlərinin – məcburi köçkünlərin doğma torpaqlarına qayıdışı, sosial rifahın yüksəldilməsi və dayanıqlı inkişafın təmin olunması istiqamətində atılan addımların göstəricisidir:
“Xanoba kəndində həyata keçirilən layihələr müasir standartlara cavab verən fərdi yaşayış evlərinin tikintisini, mühəndis-kommunikasiya xətlərinin çəkilməsini və sosial infrastrukturun qurulmasını əhatə edir. Burada inşa olunan evlər təkcə yaşayış üçün deyil, həm də rahat və təhlükəsiz həyat şəraitinin təmin olunması məqsədi daşıyır. Elektrik enerjisi, içməli su, qaz, rabitə və internet kimi vacib xidmətlərin bərpası kəndin həyatına yeni nəfəs verir.
Ölkə rəhbərinin bu layihələrə xüsusi diqqət yetirməsi göstərir ki, azad olunmuş ərazilərin bərpası dövlət siyasətinin prioritet istiqamətlərindən biridir. Azərbaycan Respublikasının Prezidenti cənab İlham Əliyevin çıxışlarında dəfələrlə vurğuladığı kimi, əsas məqsəd bu əraziləri “ağıllı kənd” və “ağıllı şəhər” konsepsiyalarına uyğun şəkildə yenidən qurmaqdır. Bu isə innovativ texnologiyaların tətbiqi, ekoloji tarazlığın qorunması və resurslardan səmərəli istifadə deməkdir.
Qarabağ və Şərqi Zəngəzur iqtisadi rayonlarında aparılan bərpa işləri yalnız fiziki infrastrukturun yenilənməsi ilə məhdudlaşmır. Bu proses, eyni zamanda, sosial-iqtisadi dirçəlişə, yeni iş yerlərinin yaradılmasına və bölgənin ümumi inkişafına xidmət edir. Xanoba kəndi də bu böyük proqramın bir hissəsi kimi sürətlə inkişaf edir.
Yeni kənddə tikilən evlər yüksək keyfiyyətli materiallardan istifadə olunmaqla inşa edilir və burada yaşayacaq ailələrin bütün ehtiyacları nəzərə alınır. Məktəb, uşaq bağçası, tibb məntəqəsi kimi sosial obyektlərin yaradılması isə kəndin gələcək inkişafı üçün mühüm zəmin yaradır.
Azərbaycan Respublikasının Prezidenti cənab İlham Əliyevin Xanoba kəndinə səfəri, Azərbaycanın işğaldan azad olunmuş ərazilərində həyatın bərpasının real və dinamik şəkildə davam etdiyini göstərir. Bu proses təkcə tikinti layihəsi deyil, həm də tarixi ədalətin bərpası, insanların öz doğma yurdlarına qayıdışı və milli birliyin möhkəmləndirilməsi kimi mühüm dəyərləri özündə birləşdirir”.
Bütün xəbərlər Facebook səhifəmizdə
.jpg "Fitrə Necə Çıxarılmalıdır? - HACI AÇIQLADI! ŞOK FAKT")
.jpg)
USD
EUR
GBP
RUB