...Hətta orta dərəcədə spirtli içki qəbulu da çoxsaylı xəstəliklər və xəsarətlər riskinin artması ilə əlaqələndirilir.
SİA xəbər verir ki, иu, "Addiction" jurnalında elmi məlumatların əsas icmalını dərc edən tədqiqatçılar tərəfindən əldə edilən nəticədir.
Müəlliflər spirtli içkinin sağlamlığa təsiri ilə bağlı müasir tədqiqatları təhlil edərək spirtli içkinin 60-dan çox xəstəlik və vəziyyətlə birbaşa əlaqəli olduğunu təsdiqləyiblər.
Bunlara qaraciyər sirrozu, spirtli kardiomiopatiya, müəyyən növ demensiya, pankreatit, hipertoniya və qaraciyər, yoğun bağırsaq və döş xərçəngi də daxil olmaqla bir sıra xərçəng növləri daxildir.
Bundan əlavə, alkoqol pnevmoniya, vərəm və HİV də daxil olmaqla infeksiyaların riskini artırır.
Alimlərin fikrincə, alkoqol immun sistemini zəiflədir və qaraciyər funksiyasını pozur, bu da orqanizmi daha həssas edir.
Hətta kiçik dozalarda alkoqol da koordinasiyanı və reaksiya müddətini pozur, xəsarət, yıxılma və yol-nəqliyyat qəzaları ehtimalını artırır.
Lakin tədqiqatçılar qeyd edirlər ki, bəzi mənfi təsirlər geri dönən ola bilər.
Alkoqoldan imtina etdikdən sonra bir çox insan tədricən ürək-damar və immun funksiyalarında yaxşılaşmalar hiss edir və beyində bəzi dəyişikliklər qismən bərpa olunur.
Lakin, uzun müddətli sui-istifadə ilə bəzi zərərlər ömürlük qala bilər.
Əli Babayev
Bütün xəbərlər Facebook səhifəmizdə
USD
EUR
GBP
RUB
