Yüksək rütubət şəraitində havanın temperaturunun artması ilə ürək-damar xəstəlikləri olan xəstələr, artıq çəki və ya metabolik sindromdan, arterial hipertoniya və ürək-damar xəstəliklərindən əziyyət çəkənlər bu dəfə daha çox əziyyət çəkirlər.
SİA-nın əldə etdiyi məlumata görə, kardioloq-terapevt, tibb elmləri namizədi Olqa Kozlova bildirib ki, onları xroniki xəstəliklərin kəskinləşməsi və ya hətta infarkt keçirməsi təhlükəsi gözləyir.
Onun dediyinə görə, temperatur yüksəldikdə ürək döyüntüləri artır, qan təzyiqi yüksəlir, qan damarları genişlənir, bu da aşağı ətrafların şişməsinə səbəb olur və buna görə də xəstə tez-tez halsızlıq, zəiflik hissi keçirir.
Üstəlik, artan tərləmə səbəbindən çox miqdarda maye itirilir, bu da ürək ritminin pozulmasına səbəb ola bilər.
Kardioloqun sözlərinə görə, həm də insanlarda maye itkisi səbəbindən qan qalınlaşır ki, bu da tromboz riskini artırır. Buna görə də, sidikqovucu dərman qəbul edən xəstələr onların dozasını azaltmaq və ya dərmanı tamamilə dayandırmaq zərurəti barədə həkimə müraciət etməlidirlər,
Ani temperatur dəyişiklikləri zamanı da ehtiyatlı olmaq lazımdır. Bu əsasən kondisionerli otağa girib və ya çıxanlara aiddir.
Adam istidən kondisionerin və ya ventilyatorun altında oturanda refleksli vazospazm yarana bilər. Bu, öz növbəsində, infarkt və ya angina pektorisinin hücumu, həddindən artıq hallarda miyokard infarktı ilə təhdid edir.
…Bu, məsələn, çimərkən də nəzərə alınmalıdır. Əgər hər hansı bir insana istidirsə, bu halda kəskin kontrastlı soyuq suda çimmək qıcolmaya, ürək dayanmasına səbəb ola bilər.
Nazlı
Bütün xəbərlər Facebook səhifəmizdə
.jpg)
USD
EUR
GBP
RUB
