Yapon alimləri Altsheymer xəstəliyinin təsirlərini azaltmaq üçün hazırladıqları peyvəndin ilk eksperimental nəticələrini paylaşıblar. SİA bu barədə Tükiyə saytlarına istinad edir.
Tokiodakı Juntendo Universitetinin tədqiqatçıları Amerika Ürək Dərnəyinin 2023-cü il Əsas Ürək-Damar Elmləri Konfransında Altsheymer xəstəliyinin gedişatını dəyişdirəcəyi düşünülən peyvəndlə bağlı araşdırmalarını təqdim etdilər.
Tədqiqatçılar siçanlar üzərində sınaqlar apararaq, Altsheymer xəstəliyi ilə əlaqəli qocalma qlikoproteinlərinin (SAGP) əlamətlərini daşıyan hüceyrələri məhv etdiyini iddia etdikləri peyvəndin təsirlərini müşahidə ediblər.
Bu çərçivədə, siçanların beyin fiziologiyasını dəyişdirən və Altsheymer xəstəliyi olan insan beyni ilə oxşar şərtləri təmin edən elm adamları nəzarət qrupunda heç bir dəyişiklik etməmiş, ikinci və dördüncü ayda eksperimental qrupdakı siçanlara SAGP peyvəndi vurublar.
Altsheymer xəstəliyinin irəli mərhələsində olan xəstələrdə narahatlıq əlamətlərinin olmadığını və diqqətini cəmləyə bilmədiklərini xatırladan tədqiqatçılar altıncı ayda aparılan labirint tsınaqlarında peyvənd edilmiş siçanların sağlam siçanlar kimi əsəbi və ehtiyatlı davrandıqlarını ifadə ediblər.
Tədqiqatın müəlliflərindən biri, Doktor Chieh-Lun Hsiao onların hazırladıqları peyvəndin Altsheymer prosesi zamanı beyində iltihabı azaltmaqla yanaşı, siçanların davranışını yaxşılaşdırmaqla digər Altsheymer tədqiqatlarından fərqləndiyini vurğulayıb.
Altsheymer xəstəliyində mikroqliya hüceyrələrində SAGP zülalının artdığını qeyd edən Chieh-Lun Hsiao gələcək peyvənd araşdırmalarında aktivləşdirilmiş mikroqiya hüceyrələrini məhv edərək beyindəki iltihabı nəzarət altına almağa və nəticədə xəstəliyin səbəb olduğu davranış pozğunluğunu bərpa etməyə ümid etdiklərini söyləyib.
Hələ heç bir elmi jurnalda dərc olunmayan araşdırmanın təfərrüatları Amerika Ürək Dərnəyinin saytında paylaşılıb.
Bütün xəbərlər Facebook səhifəmizdə
.jpg "Bələdiyyələrin problemləri bitmir: araşdırmamız davam edir!")
USD
EUR
GBP
RUB
