Azərbaycan Respublikasında elmin inkişafına, gənc alim və tədqiqatçıların dəstəklənməsinə, beynəlxalq əməkdaşlığın genişləndirilməsinə və Qarabağın bərpasına yönəlmiş müxtəlif qrant müsabiqələrinin nəticələri elan olunub. Elm Fondundan SİA-ya bildirilib ki, bu il təşkil edilən “Əsas Qrant Müsabiqəsi – 2025” uğurla başa çatıb. Müsabiqəyə 160-dan çox layihə təqdim olunub, onların arasından 20 layihə qalib elan edilib. Qrant dəstəyi qaliblərə elmi-tədqiqat fəaliyyətlərinin inkişafı, yeni nəticələrin əldə edilməsi və beynəlxalq elmi məkanla inteqrasiya üçün geniş imkanlar yaradacaq.
Elmin inkişafı və gənc tədqiqatçıların dəstəklənməsi məqsədilə keçirilən “Gənc alim və tədqiqatçıların 9-cu qrant müsabiqəsi” də uğurla yekunlaşıb. Respublikanın müxtəlif universitetlərindən və institutlarından yüzlərlə layihə təqdim edilib. Nəticədə 30-dan artıq layihə qalib elan olunub. Bu qrantlar gənc alimlərin yaradıcılıq potensialının üzə çıxarılmasına və onların beynəlxalq elm məkanına inteqrasiyasına imkan yaradacaq.
Gənc alimlərin və doktorantların beynəlxalq elmi mühitə inteqrasiyası məqsədilə keçirilən “Mobillik qrant müsabiqəsi”nin 15-ci mərhələsi də uğurla yekunlaşıb. Qiymətləndirmə nəticəsində 6 gənc alim və tədqiqatçı qalib seçilib. Onlar dünyanın nüfuzlu universitetlərində və elmi mərkəzlərində təcrübə proqramları keçmək, beynəlxalq konfranslarda iştirak etmək və yeni əməkdaşlıq əlaqələri qurmaq imkanı qazanacaqlar.
Qarabağın bərpası və dirçəlişi istiqamətində təşəbbüsləri stimullaşdırmaq məqsədilə təşkil edilən “Qarabağ – Azərbaycandır! – 3” qrant müsabiqəsi də başa çatıb. Yüzlərlə layihə arasından seçilən qalib layihələr Qarabağın sosial-iqtisadi inkişafına, yenidənqurma prosesinə və elmi-praktik əsasların möhkəmləndirilməsinə töhfə verəcək.
Keçirilən bu qrant müsabiqələri ölkəmizdə elmi potensialın artırılmasına, gənc alimlərin və tədqiqatçıların inkişafına, beynəlxalq elmi əməkdaşlıqların möhkəmlənməsinə, eləcə də Qarabağın bərpa və inkişaf prosesinə mühüm dəstək göstərir.
Daha ətraflı məlumatı Azərbaycan Elm Fondunun rəsmi saytında əldə etmək olar: www.aef.gov.az
Bütün xəbərlər Facebook səhifəmizdə
-1694670265.jpg)
USD
EUR
GBP
RUB