Avqustun 28-dən boş qalan plan yerlərinə ixtisas seçimi aparılacaq
İxtisas seçimi müsabiqəsinin nəticələrinə əsasən, 57 min 236 nəfər (o cümlədən 6461 subbakalavr) ali təhsil müəssisələrinə qəbul olunub.
SİA yerli mənbələrə istinadən xəbər verir ki, bu barədə Dövlət İmtahan Mərkəzindən məlumat verilib. Bildirilib ki, 27 min 956 (o cümlədən 1728 subbakalavr) nəfər dövlət sifarişi əsasında, 29 min 280 (o cümlədən 4733 subbakalavr) nəfər isə ödənişli əsaslarla təhsil almaq hüququ əldə edib. Ali təhsil müəssisələrinin qəbul planı 96.27 faiz dolub. Avqustun 28-dən sentyabrın 2-dək boş qalan plan yerlərinə ixtisas seçimi aparılacaq və göstəricilər bir qədər də yüksələcək.
Bütün xəbərlər Facebook səhifəmizdə
USD
EUR
GBP
RUB