Davamlılıq universitetlərin rəqabət sahələrindən birinə çevrilir.
Bu il Türkiyənin 98 universiteti "UI Green Metric’’ Ümumdünya Yaşıl Universitetlər Reytinqi Sistemi" siyahısına daxil edilib. SİA bu barədə Tükiyə saytlarına istinad edir.
''Həyatın maraqlı anları'' proqramının bu günkü hissəsində Türkiyenin universitetləri haqqında danışacağıq.
Türkiyə universitetlərinin Ümumdünya Yaşıl Universitetlər Reytinqi Sistemində daha yüksək pillələrdə yer tutması üçün hesabat hazırlayan akademiklər uzun müddətdə yaşıl idarəetmə yanaşmasına malik universitetlərin ön plana çıxacağını bildiriblər.
İndoneziya Universiteti 2010-cu ildən etibarən ekoloji, sosial və iqtisadi cəhətdən davamlı həyat tərzini mənimsəməklə öz ehtiyaclarını ödəyə bilən və bu sahədə liderlik edə bilən ali təhsil müəssisəsi kimi Ümumdünya Yaşıl Universitetlər Reytinqi Sisteminə daxil edilib.
Dünyada bu sahədə ən çox qəbul edilən reytinq araşdırmalarından biri olan sistemin ölçülməsi Birləşmiş Millətlər Təşkilatının (BMT) Davamlı İnkişaf Məqsədləri çərçivəsində müәyyәn edilmiş 17 başlıq əsasındakı 6 göstərici nəzərə alınaraq həyata keçirilir.
2022-ci ildə siyahıya dünya üzrə 1050, Türkiyədən isə 83 universitet daxil edilib. 2023-cü ildə isə dünya üzrə 1183, Türkiyedən isə 98 universitet daxil edilib.
Bu il siyahıya salınan Türkiyənin 98 universitetindən 6-sı ilk 100-lükdə yer alıb. İlk 200-lükdə yer alan 9 Türkiyə universiteti struktur və infrastruktur, enerji və iqlim dəyişikliyi, tullantı, su və təhsil kimi bütün kateqoriyalarda əvvəlki ilə nisbətən xallarını artırıb.
Ötən il 47-ci yerdə olan İstanbul Texniki Universiteti bu il təhsil və enerji ilə iqlim dəyişikliyi başlıqları altında qiymətləndirmə meyarlarında ən yüksək xalı toplayıb.
Siyahıda 63-cü pillədə qərarlaşan Yıldız Texniki Universiteti Türkiyenin ən yüksək xal toplayan universitetlərindən biridir.Türkiyənin Erciyes, Özyeğin, Ege və Yeditəpə universitetləri də ilk 100 universitet arasında yer alıb.
2023-cü ildə reytinq siyahısına daxil edilən universitetlərin xüsusilə sudan istifadə sahəsində yaxşı olduğu, lakin enerji və iqlim dəyişikliyi mövzularında daha az xal topladığı bildirilir.
İstanbul Universitetindən Burcu Zeybek mövzu ilə bağlı deyib: "Hazırda dünyanın bir çox universitetləri güclü, nüfuzlu, brend bir qurum imicinə sahib olmaq üçün dünyanı, ətraf mühiti, ictimaiyyəti nəzərə alaraq araşdırmalar aparırlar. Aparılan araşdırmaların təkcə akademik və alimlәrә deyil, hər kəsə xitab etməsi böyük əhəmiyyət kəsb edir. Universitetlər istedadlı tələbələrin onlara üstünlük verməsi üçün rəqabət aparırlar''.
Bütün xəbərlər Facebook səhifəmizdə
USD
EUR
GBP
RUB