Kənd Təsərrüfatı və Meşə Naziri Bəkir Pakdәmirli Bursada keçirilən Uludağ İqtisadiyyat Zirvəsinə videomüraciət ünvanlayıb. SİA bu barədə türk mətbuatına istinad edir.
Nazir videomüraciәtindә, Yeni növ koronavirus (Covid-19) epidemiyası zamanı görülən tədbirlər sayəsində vətəndaşların ərzaq təminatı ilə bağlı heç bir problem yaşamadığına diqqәt çәkib. Bu prosesdə dünya kənd təsərrüfatında millətçi və proteksionist yanaşmaların getdikcə daha çox ön plana çıxdığını bildirib. Qidaya tәlәbatın artması, logistika vә işçi qüvvəsi kimi problemlər, yüksək enerji xərcləri sәbәbi ilә dünyada ərzaq qiymətlərində rekord artım olduğunu ifadә edәn Pakdemirli, qlobal istiləşmə və iqlim dəyişikliyinin tәsirinin dә gözdәn yayındırılmamasının lazım gәldiyini deyib. Türkiyədə kənd təsərrüfatı məhsulunun son 3 ildə 78% artımla 2020-ci ildə 337 milyard lirəyə çataraq rekord vurduğunu, ölkәnin kənd təsərrüfatı məhsullarının həcminə görə Avropada lider, dünyada isə ilk 10-luq arasında iştirak etdiyini, son 3 ildə cəmi 60 milyard dollarlıq kənd təsərrüfatı və ərzaq məhsulları ixrac edildiyini vurğulayıb.
Bütün xəbərlər Facebook səhifəmizdə
USD
EUR
GBP
RUB