Danışıqlarda iştirak edən mənbələrə görə, Neft İxrac edən Ölkələr Birliyi (OPEC) və Rusiya, hasilatın azaldılması müqaviləsinin gələn ilin sonunda qədər uzadılmasına dair müqavilənin əsas konturlarını müəyyən ediblər. Ancaq hər iki tərəf hələ də əhəmiyyətli detallar üzərində çalışır.
SİA xəbər verir ki, OPEC və aralarında Rusiyanın da olduğu digər neft istehsalçıları, gələn həftə hasilatın azaldılması müqaviləsini müzakirə etmək üçün Vyanada yığışacaqlar. Kreml, mart ayında sona çatacaq mövcud müqavilənin uzadılmasına ehtiyac olub-olmadığı məsələsində tərəddüd edir.
Danışıqlar gizli aparıldığı üçün adını verməyən mənbələrə görə, günlər davam edən danışıqların ardından, Moskva və Ər-Riyad, 30 noyabrdakı Vyana toplantısında müqavilənin uzadılmasına ehtiyac olduğu barədə razılığa gəliblər. Sadəcə Rusiya, uzadılacaq müqavilənin böyüklüyünü neft bazarının vəziyyətinə bağlanmasını istəyir. Yəni, vəziyyətdən asılı olaraq azaldılan həcm dəyişsin.
Bütün xəbərlər Facebook səhifəmizdə
USD
EUR
GBP
RUB