Avropa İttifaqı iqtisadi artım proqnozunu aşağı salıb.
SİA-nın xarici qaynaqlardan əldə etdiyi məlumata görə, Avropa İttifaqı Komissiyası alıcılıq qabiliyyətinin zəifləməsi və yüksək faiz dərəcələrinin kreditləri azaltması səbəbindən bu il Avrozonada iqtisadi artım gözləntisini 0,8 faizə endirib.
Avropa İttifaqı Komissiyasının “Avropa İqtisadi Proqnozları Qış 2023” hesabatı dərc olunub.
Hesabatda Avropa İttifaqı iqtisadiyyatının 2023-cü ildə 0,5 faiz, 2024-cü ildə 0,9 faiz, 2025-ci ildə 1,7 faiz, Avrozona iqtisadiyyatının isə 2023-cü ildə 0,5 faiz, 2024 və 2025-ci ildə isə 0,8 faiz artacağı gözlənilir.
Aİ Komissiyasının əvvəlki “Payız” hesabatında Avropa İttifaqının 2023-cü ildə 0,6 faiz, 2024-cü ildə 1,3 faiz, 2025-ci ildə 1,7 faiz, Avrozonanın 2023-cü ildə 0,6 faiz, 2024-cü ildə isə 0,6 faiz, 2025-ci ildə 1,2 faiz və 1,6 faiz artacağı proqnozlaşdırılıb.
Son hesabatla Avropa İttifaqı və Avrozonanın artım proqnozları aşağıya doğru yenidən nəzərdən keçirilib. Belə ki, Avrozonada bu il üçün artım proqnozu 1,2 faizdən 0,8 faizə endirilib.
Hesabatda keçən il Avropa İttifaqında inflyasiyanın 6,3 faiz, Avro Bölgəsində isə 5,4 faiz olduğu, bu il inflyasiyanın Aİ-də 3 faiz, Avro bölgəsində isə 2,7 faiz azalacağı, 2025-ci ildə isə inflyasiyanın aşağı Avropa İttifaqında 2,5 faiz, Avrozonada isə 2,2 faiz olacağı proqnozlaşdırılıb.
Bütün xəbərlər Facebook səhifəmizdə
USD
EUR
GBP
RUB