Rusiya rəsmi olaraq İşgəncələrə Qarşı Avropa Konvensiyasından çıxıb.
SİA yerli mənbələrə istinadən xəbər verir ki, Rusiyanın 2025-ci ilin sentyabrında elan edilən İşgəncələrin Qarşısının Alınması üzrə Avropa Konvensiyasından çıxması noyabrın 1-dən qüvvəyə minib.
Qeyd edək ki, Avropa Şurasının 46 hazırkı üzv dövləti tərəfindən ratifikasiya edilmiş İşgəncələrin və Qeyri-insani rəftarın və ya cəzanın qarşısının alınması üzrə Avropa Konvensiyası məhbusları potensial zorakılıqdan qorumağı hədəfləyir və xüsusilə həbsxana monitorinqini təmin edir. 29 sentyabr 2025-ci ildə Rusiya Prezidenti Vladimir Putin parlament tərəfindən qəbul edilmiş və Avropa Şurasını Rusiyaya qarşı "ayrı-seçkilikdə" günahlandıran və ölkənin İşgəncələrə Qarşı Avropa Konvensiyasından çıxmasını rəsmiləşdirən qanunu imzalayıb.
Bütün xəbərlər Facebook səhifəmizdə
USD
EUR
GBP
RUB