Prezident İlham Əliyevin VII Ümumdünya Mədəniyyətlərarası Dialoq Forumunda çıxışı Azərbaycanın beynəlxalq nüfuzunun təzahürüdür
Azərbaycan mədəniyyətlərarası dialoqun, multikulturalizmin və sülhün təşviqi istiqamətində mühüm təşəbbüsləri ilə beynəlxalq aləmdə özünəməxsus mövqeyə malikdir. Bu siyasətin əsasını xalqımızın əsrlər boyu formalaşmış tolerantlıq ənənələri, müxtəlif mədəniyyətlərə və dinlərə hörmət prinsipləri təşkil edir. Prezident İlham Əliyevin 2026-cı il oktyabrın 27-də Bakıda “Ortaq gələcək naminə dialoq” mövzusunda keçirilən VII Ümumdünya Mədəniyyətlərarası Dialoq Forumunun açılış mərasimindəki çıxışı Azərbaycanın bu sahədə həyata keçirdiyi siyasətin mahiyyətini bir daha nümayiş etdirdi.
Dövlət başçısı forumun beynəlxalq əhəmiyyətini vurğulayaraq bildirdi ki, tədbir son 15 il ərzində mədəniyyətlərarası münasibətlərin müzakirəsi üçün səmərəli və inklüziv platformaya çevrilib. 100-dən çox ölkədən 2000-dən artıq iştirakçının, o cümlədən 500-dən çox xarici qonağın qatıldığı forumun geniş coğrafiyası Azərbaycanın beynəlxalq dialoqun inkişafına verdiyi töhfənin göstəricisidir. Prezident İlham Əliyev bu təşəbbüsün 2011-ci ildə Azərbaycanın irəli sürdüyünü və BMT-nin dəstəyini yüksək qiymətləndirdiyini qeyd etdi.
Azərbaycan tarixən Avropa ilə Asiyanın qovşağında yerləşərək müxtəlif xalqların, dinlərin və mədəniyyətlərin qarşılıqlı əlaqəsinə şərait yaradıb. Bu gün də ölkəmiz multikulturalizmin və dini-etnik tolerantlığın qorunmasını dövlət siyasətinin mühüm istiqamətlərindən biri kimi müəyyənləşdirib. Prezident İlham Əliyevin çıxışında vurğulanan bu məqamlar göstərir ki, mədəni müxtəliflik Azərbaycanın milli sərvəti olmaqla yanaşı, beynəlxalq əməkdaşlığın möhkəmləndirilməsi üçün də mühüm amildir.
Dövlət başçısı Azərbaycanın müstəqil xarici siyasətinə, əldə etdiyi iqtisadi və siyasi nailiyyətlərə toxunaraq ölkəmizin sabitlik məkanı olduğunu diqqətə çatdırdı. Prezidentin sözlərinə görə, Azərbaycanın son 35 ildə qazandığı uğurlar xalqımızın əzmi və öz gücünə əsaslanır. Müstəqil siyasət, milli maraqlara sadiqlik və dövlət suverenliyinin qorunması ölkəmizin beynəlxalq nüfuzunun yüksəlməsinə xidmət edir.
Forumda səsləndirilən mühüm mesajlardan biri də münaqişələrin həlli və davamlı sülhün təmin olunması ilə bağlı idi. Prezident İlham Əliyev Azərbaycanın münaqişə təcrübəsinin digər tərəflər üçün də faydalı ola biləcəyini bildirdi. Dövlət başçısı vurğuladı ki, Azərbaycan 30 ildən artıq davam edən münaqişəyə beynəlxalq hüquqa uyğun olaraq son qoyub və sülh təklif edib. Bu yanaşma müasir dünyada qarşıdurmaların deyil, dialoqun, qarşılıqlı hörmətin və hüququn üstünlüyünün vacibliyini bir daha önə çıxarır.
VII Ümumdünya Mədəniyyətlərarası Dialoq Forumu Azərbaycanın qlobal məsələlərin müzakirəsində fəal iştirakını, beynəlxalq əməkdaşlığa və ortaq gələcəyin qurulmasına verdiyi töhfələri nümayiş etdirir. Prezident İlham Əliyevin çıxışı bir daha təsdiqlədi ki, Azərbaycan milli-mənəvi dəyərlərinə sadiq qalmaqla yanaşı, dünyada sülhün, sabitliyin və mədəniyyətlərarası anlaşmanın möhkəmləndirilməsini də prioritet hesab edir.
Bu mötəbər forum ölkəmizin beynəlxalq nüfuzunun daha da artmasına, xalqlar arasında qarşılıqlı etimadın möhkəmlənməsinə və ortaq gələcək naminə dialoqun inkişafına mühüm töhfə verir.
YAP Qubadlı rayon təşkilatının sədri Təhmasib Rüstəmov
Bütün xəbərlər Facebook səhifəmizdə
.jpg)
USD
EUR
GBP
RUB