LOS ANCELES (AP) - Hərbi rəsmilər bildiriblər ki, Cənubi Kaliforniyanın Mojave səhrasında yerləşən ABŞ Hərbi Hava Qüvvələrinə məxsus bazada B-52 bombardmançı təyyarəsi havaya qalxdıqdan qısa müddət sonra qəzaya uğrayıb və alovlanıb.
SİA-nın xarici mətbuata istinadən verdiyi xəbərə görə, göyərtədə olan səkkiz nəfərin hamısı həlak olub.
Hava görüntülərində Los-Ancelesin şimalında yerləşən Edvards Hərbi Hava Qüvvələri Bazasında adi sınaq missiyası zamanı qəzaya uğrayan təyyarədən demək olar ki, heç nə qalmayıb. Bazanın uçuş-enmə zolağının yaxınlığındakı səhranın geniş bir hissəsindən qara tüstü qalxıb.
B-52 təyyarəsində olanlar arasında dövlət podratçıları və hərbi forma geyinmiş hərbçilər olub. Təyyarə istehsalçısı Boeing iki işçisinin göyərtədə olduğunu təsdiqləyib.
Edvardsdakı 412-ci sınaq qanadının komandir müavini polkovnik Ceyms Heys mətbuat konfransında bildirib ki, qəzanın görüntülərinə baxıldıqdan sonra heç kimin sağ qala bilməyəcəyi müəyyən edilib.
Lətifə Abdıyeva
Bütün xəbərlər Facebook səhifəmizdə
USD
EUR
GBP
RUB