...İrəvanda genişmiqyaslı hərbi parad keçirilib və bu, son illərdə Ermənistanda ən böyük silah nümayişi olub. Belə ki, 2016-cı ildən bəri ilk dəfə olaraq paytaxtın mərkəzi meydanında xarici silah sistemləri də daxil olmaqla ağır texnika nümayiş etdirilib.
SİA-nın əldə etdiyi məlumata görə, bu barədə Reuters yazır.
Paradda Hindistan hava hücumundan müdafiə sistemləri, Fransa artilleriya sistemləri və zirehli texnikaları, eləcə də Ermənistan dronları nümayiş etdirilirdi.
Tədbir Baş nazir Nikol Paşinyan üçüncü müddətə qalib gəlməyə ümid etdiyi parlament seçkilərindən iki həftədən az bir müddət əvvəl baş tutub.
Ermənistan müxalifəti paradı tənqid edərək, onu seçkiqabağı siyasi şou adlandırıb.
Lakin hakimiyyət orqanları avadanlıqların nümayişinin ordunun modernləşdirilməsinə və silah təchizatının şaxələndirilməsinə sadiqliyi əks etdirdiyini vurğulayır.
...Rusiya ənənəvi olaraq Ermənistanın əsas hərbi tərəfdaşı olub. Rusiya hərbi bazaları ölkədə yerləşir və İrəvanın özü Avrasiya İqtisadi Birliyinin üzvüdür.
Lakin Moskva ilə münasibətlərin pisləşməsindən sonra Ermənistan Qərblə daha fəal əməkdaşlıq etməyə və digər ölkələrdən, ilk növbədə Hindistan və Fransadan silah alışını genişləndirməyə başladı.
Ermənistanın AB və NATO ilə yaxınlaşması Kremldə narahatlıq doğurur.
Rusiya artıq Yerevanı ölkə hakimiyyətinin Avropaya inteqrasiya istiqamətindəki kursunu davam etdirəcəyi təqdirdə ucuz enerji təchizatının dayandırılması və ticarət məhdudiyyətləri ilə bağlı xəbərdarlıq edib.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB