Rusiya Prezidentinin sözçüsü Dmitri Peskov prezident Vladimir Putinin Amerika Birləşmiş Ştatları prezidenti Cozef Baydenlə danışıqlara açıq olduğunu, lakin Rusiya ordusunun Ukraynanı tərk etməyə hazır olmadığını bildirib.
Dmitri Peskov jurnalistlərə verdiyi açıqlamada Baydenin Vladimir Putinlə görüşmək üçün irəli sürdüyü şərti xatırladıb.
SİA-nın rus saytlarından əldə etdiyi məlumata görə, Rusiya ordusunun Ukraynanı tərk etməyə hazır olmadığını bildirən Peskov: “Xüsusi hərbi əməliyyat davam edir. Buna baxmayaraq Vladimir Putin təmaslara və danışıqlara açıqdır. Maraqlarımıza nail olmaq üçün ən çox üstünlük verilən vasitə dinc diplomatiya yoludur''.
“ABŞ Rusiyanın Ukraynada ilhaq etdiyi yeni ərazilərini hələ də tanımır” deyən Dmitri Peskov Rusiya Prezidenti Vladimir Putinin ölkəsinin maraqları üçün hər zaman danışıqlara açıq olduğunu vurğulayıb.
Dmitri Peskov Vladimir Putinin Ukrayna müharibəsindən əvvəl də ABŞ, NATO və Avropada Təhlükəsizlik və Əməkdaşlıq Təşkilatı (ATƏT) ilə hazırlanan layihə mətnləri ilə əlaqədar danışıqlara başlamağa çalışdığını bildirib və bu təşəbbüsün cavabsız qaldığını xatırladıb.
Prezident Rəcəb Tayyib Ərdoğanla Suriya rejiminin lideri Bəşər Əsədin görüşünün mümkünlüyü ilə bağlı sualı cavablandıran Dmitri Peskov deyib ki, hələlik dəqiq bir şey yoxdur, lakin belə bir ehtimal var.
Rusiya Prezidentinin sözçüsü əlavə edib ki, Vladimir Putin belə bir əlaqəni alqışlayacaq və Rusiya tərəfi buna töhfə verməyə hazırdır.
Bütün xəbərlər Facebook səhifəmizdə
USD
EUR
GBP
RUB