Texnologiya nәhәngi ‘‘Apple’’ın qurucusu vә baş icracı direktoru Stiv Cobs robotik kodlaşdırma ilә bağlı deyib: "Hesab edirəm ki, hər kəs kompüter proqramlaşdırmasını öyrənməlidir. Kompüter dili öyrənilmәlidir. Çünki bu, insanlara düşünməyi öyrədir. Mən kompüter elmini sosial elm kimi qәbul edirәm". SİA bu barədə Türkiyə saytlarına istinad edir.
Robotik kodlaşdırmanı öyrənməzdən əvvəl robotlar haqqında mәlumat әldә etmәliyik.
Qısaca desək, robot müəyyən tapşırıqları sensorlar vasitәsilә yerinə yetirən maşındır.
Robotlar sayəsində indi bir çox iş asanlaşır. 2017-ci ildə Hanson Robotics tərəfindən istehsal edilən və inkişaf etdirilən Sophia adlı robot Birləşmiş Millətlər Tәşkilatının İnkişaf Proqramı tarixində ilk İnnovasiya çempionu seçilib. Şübhəsiz ki, Sofiyanın uğurunun arxasında uğurlu kodlaşdırma dayanırdı.
Bəs kodlaşdırmaya başlamaq üçün ən yaxşı yaş hansıdır? Uşaqlar bunu niyə öyrənməlidirlər?
Kodlaşdırma nə qədər tez başlasa, uşağın problemi həll etmə və təhlil etmə bacarıqları bir o qədər sürətlə inkişaf edər. Uşaqlar məktəbəqədər robotik kodlaşdırmanı öyrәnmәyә başlaya bilәr.
Gənc beyinlər həmişə daha aktivdirlər və yeni şeyləri asanlıqla öyrənə bilərlər. Uşaqlar oxumağı və yazmağı öyrənməyə başlayanda kodlaşdırmaya başlamaq üçün әn ideal vaxtdır.
Robotik kodlaşdırma uşaqlara hansı bacarıqları öyrədir?
Robotik kodlaşdırmanı öyrənən uşaqlar güclü tənqidi düşünmə bacarıqları da daxil olmaqla bir çox şey öyrәnir. Kodlaşdırma problemin həllinə əsaslandığı üçün uşaqlara digər dərslərini daha yaxşı başa düşməyə kömək edir. Bu, onlara analitik düşünməyə imkan verir. Robotik kodlaşdırmanı öyrənən uşaqlar komanda işini daha yaxşı dərk edirlər.
Kodlaşdırmanın әsasını alqoritm tәşkil edir.
Alqoritm bir hərəkəti yerinə yetirməzdən əvvəl qurduğumuz planın adıdır. Səhər yuxudan duranda işə və ya məktəbə getməzdən əvvəl nə etdiyimizi heç düşünmüsünüzmü? Hər kəsin ilkin prioritetləri fərqli olsa da, əvvəlcə əl-üzümüzü yuyuruq, sonra səhər yeməyimizi yeyirik. Bəli, əslində bunların hamısı alqoritmlərdir. Hәdәfimizә nail olmaq üçün etdiyimiz bütün hazırlıqların ümumi adıdır.
Kompyuter olmadan kodlaşdırma mümkündürmü?
Kompüter elmini öyrənməyin ən yaxşı yollarından biri ətrafımızdakı materiallardan istifadə edərək maraq və motivasiyanı artırmaqdır.
Oxumaq vә yazmaq bilmәyәn uşaqlara adətən bu üsulla robotik kodlaşdırma öyrədilir. Fərdin istifadə edəcəyi materiallar müxtəlif mühitlərdə rahat şəkildə dizayn edilməlidir. Beləliklə, fərdin marağı artacaq və onun həll yönümlü düşünmə bacarığı inkişaf edəcəkdir.
Robotik kodlaşdırma geniş yayılandan bəri ailələri maraqlandıran sual: Uşağım robotik kodlaşdırma ilә hansı yaşda tanış olmalıdır?
Əslində bunun cavabı uşağınızdan asılıdır. Çünki uşaqlar müxtəlif mərhələlərdə inkişaf edir. Bəzi uşaqlar 6 yaşında robotik kodlaşmaya hazır ola bilir. Bәzilәri isә daha gec yaşda robotik kodlaşmaya hazır olurlar.
Bütün xəbərlər Facebook səhifəmizdə
.jpg "Döyüşlər yenidən başlayır - DƏHŞƏTLİ PROQNOZ")
.jpg "İlqar Hacıyev Natiq Ədilovu niyə söydü?")
.jpg "İran qarşı müharibənin əsl səbəbi - ŞOK DETALLAR")
USD
EUR
GBP
RUB