NATO: “Kosmik təhlükələr alyansın 5-ci maddəsinin həyata keçirilməsinə gətirib çıxara bilər”.

SİA əldə etdiyi məlumata istinadən xəbər verir ki, NATO dünən (17 Yanvar) hərtərəfli Kosmos Siyasətini ictimaiyyətlə bölüşüb: “Kosmosun əhəmiyyəti NATO üzvlərininin təhlükəsizliyi və rifahı baxımından artır. Bunun əsas səbəbi kənd təsərrüfatından nəqliyyata, elmdən rabitəyə qədər bir çox sahədə töhfə verməsidir”. Kosmos təhdidlərinə də işarə edilən açıqlamada keçən il Belçikada keçirilən Brüssel Zirvə toplantısında müttəfiqlərin kosmosda və ya kosmosdan kənarda törədiləcək hücumların konkret təhdid olduğu mövzusunda mütabiq qaldıqları xatırladılıb və belə bir vəziyyət qarşısında NATO-nun 5-ci maddəsinin tətbiqinin zərurət qazanacağı vurğulanıb.

Xatırladaq ki, NATO 2019-cu ildə kosmosu “əməliyyat zonası” elan etdi və ABŞ həmin il Kosmik Qüvvələrini fərqli bir hərbi güc olaraq formalaşdırdı.

Qeyd edək ki, 5-ci maddəyə görə, NATO üzvü ölkəyə hücum olarsa, bu hücum bütün NATO üzvü olan ölkələrə qarşı edilmiş sayılır.

Bütün xəbərlər Facebook səhifəmizdə