Facebook tibbi maskaların reklamına qadağa tətbiq etdi

Facebook şirkəti, koronavirusa görə tbbi maskaların tələbatına artan ehtiyac ətrafında spekulyativ hərəkətləri dayandırmaq üçün sosial şəbəkədə tibbi maskaların reklamına müvəqqəti qadağa tətbiq edib. SİA-nın xarici mətbuata istinadən verdiyi xəbərə görə, şirkətin bəyənatında deyilir: “Biz tibbi maskaların satılması üçün reklam və kommersiya elanlarına müvəqqəti qadağa tətbiq edirik. Komandamız COVID-19 ilə əlaqəli vəziyyəti yaxından izləyir və əgər insanların sağlamlığında pul qazanmaq istəyənlərə rast gəlsək bu istiqamətdə də həyata keçirdiyimiz siyasətimizdə lazımi yenilikləri edəcəyik”.

Qeyd edək ki, bundan əvvəl Facebook-un ümumilikdə koronavirusdan qorunmaq və ya müalicə etmək vəd edən reklamlara qadağa qoyduğu, həmçinin COVID-19 haqqında yalan məlumatların yayılmasına qarşı mübarizə aparmaq və saxta bəyanatlar və ya sui-qəsd nəzəriyyələri ilə məzmunu silmək niyyətində olduğunu bildirilirdi.

Müəllif: Nailə Məhərrəmova

Bütün xəbərlər Facebook səhifəmizdə