Alimlər tərəfindən bu yaxınlarda kəşf edilən C/2022 E3 yaşıl kometası fevralın 1-də Yerə yaxınlaşacaq.
SİA xarici qaynaqlara istinadən xəbər verir ki, bu barədə “News Week” mətbuat orqanı məlumat yayıb.
Yaşıl kometa Yerdən 42 kilometr uzaqlıqdan keçəcək. Alimlərin fikrincə, göy cismini Şimal Tacı bürcünün bölgəsində adi gözlə müşahidə etmək olar. İndi kometa yalnız güclü durbin və ya kiçik teleskoplar vasitəsilə görmək olar.
Fevralın 1-də hava aydın olarsa, C/2022 E3 kometası səmada quyruğu olan tutqun yaşılımtıl parıltı şəklində görünəcək.
Qeyd edək ki, Yaşıl kometa 2022-ci ildə Kaliforniya astronomları tərəfindən kəşf edilib. Göy cismi uzunmüddətli kometa kimi təsnif edilirdi. Hesab edilir ki, kometa sonuncu dəfə Yerin yanından təxminən 55 min il əvvəl, Daş dövründə uçmuşdu və növbəti uçuş olmaya bilər.
Bütün xəbərlər Facebook səhifəmizdə
USD
EUR
GBP
RUB