İnsanın Aya sonuncu missiyasından 50 il sonra NASA Artemis layihəsinə start verib.
Bu günkü proqramımızda NASA-nın Aya göndәrәcәyi tarixi missiyadan bәhs edәcәyik.
NASA 50 il sonra Artemis adlı kosmik gəmisi ilə Aya addım atmağa hazırlaşır.
NASA-da işlәyәn astrofizik Umut Yıldız tarixi Artemis proqramı və kolonizasiyanın təfərrüatlarını haqqında bəyanatlar verib.
ABŞ-ın Milli Aeronavtika və Kosmos İdarəsi NASA 50 il sonra Artemis adlı kosmik gəmisi ilə Aya addım atmağa hazırlaşır.
SİA-nın türk saytlarından əldə etdiyi məlumata görə, TRT Haber-ə müsahibə verən NASA astrofiziki Umut Yıldız bir neçə həftə əvvəl başlayan NASA-nın Aya tarixi missiyası Artemisin detalları ilə bağlı məlumat verib.
İnsanların Ayda yaşayacaqları vaxtı səbirsizliklə gözlədiklərini ifadə edən Yıldız hazırda buna çox yaxın olduqlarını da dilə gətirib.
İlk layihənin Aya getmək və Ayın arxasından Yerə qayıtmaq olduğunu və bu layihənin 25 gün davam edəcəyini bildirən Yıldız deyib: “Buradakı məqsədimiz insanları oraya daşıyacaq kapsulun onları Dünyaya təhlükəsiz şəkildə geri qaytarmasıdır''.
Həyata keçiriləcək ikinci missiya zamanı astronavtlar Aya eniş etmədən qayıdacaqlarını ifadə edən Yıldız deyib: "Bunun müvəffəqiyyətli olmasından sonra 2025-ci ildə yenidən Aya dönüşün şahidi olacağıq" .
İlk layihə olan Artemis 1 çərçivəsində radiasiya səviyyəsi ölçüləcək və astronavtların geyinəcəyi paltarlar sınaqdan keçiriləcək.
Yıldız kosmosdakı radiasiya miqdarını təyin etmək üçün edilən dizayndan danışdı:
“Hazırki artemis-1 layihəsində Orion kapsulunda 3 ədəd maneken var. Bir manekenin üzərində lazımi paltarlar var, digərinin üzərində isə radiasiya kostyumu var. Onlardan birinin paltarı yoxdur. Onların hər biri sensorlarla təchiz edilmişdir. Onlar kosmonavtın kosmosda səyahət etdiyi zaman qəbul edə biləcəyi radiasiya miqdarını müəyyən edəcək''.
NASA-nın bundan sonra planlaşdırdığı missiyalar daha uzun müddətli olacaq.
Bu layihədən sonra koloniya proqramı olacağını ifadə edən Yıldız deyib: “Bu koloniya proqramı ilə Ay ətrafında bir stansiya qurulacaq və bu stansiyaya dünyadan insanlar gedəcək. Bir müddət orada qalacaqlar, sonra Ay səthinə enəcəklər”.
Yəni, məqsəd Aydan sonra Marsı koloniyalaşdırmaqdır?
Son məqsədin Yer kürəsindən çıxmaq ola biləcəyini ifadə edən Yıldız bütün insanların fərqli planetlərə köçməsinin vacib olmadığını bildirib.
Yıldız başqa planetlərdə də araşdırma mərkəzləri ola biləcəyini də sözlərinə əlavə edib.
Bütün xəbərlər Facebook səhifəmizdə
USD
EUR
GBP
RUB