Vyananın "Qarabağ" adlı klubu yeni mövsümə hazırlığı davam etdirir. SİA-nın məlumatına görə, Stadtliqanın başlanmasına 10 gün qaldığı müddətdə "Qarabağ" baxışa yeni futbolçular dəvət edib. Heyətini gəncləşdirmək barədə düşünən Vyana komandası artıq ilk transferini rəsmiləşdirib. Klub baxışda olan azərbaycanlı Orxan Qocayevlə müqavilə imzalayıb. Gənc futbolçu əsas heyətlə məşqlərdə iştirak etməsinə baxmayaraq, yeni mövsümdə ilk 5 həftə B komandasında meydana çıxacaq.
Qeyd edək ki, bu mövsüm azərbaycanlıların yaratdığı "Qarabağ" futbol klubu Avstriyanın II Landesliqasında çempion olub. Klub Azərbaycan və Avstriya arasında dostluq münasibətlərini möhkəmləndirmək məqsədi ilə yaradılıb. Vyana klubunun idarə heyəti 4 Azərbaycan və 2 Avstriya vətəndaşından ibarətdir.
.jpg)
Bütün xəbərlər Facebook səhifəmizdə
USD
EUR
GBP
RUB