Prezident İlham Əliyevin “Euronews” televiziyasına müsahibəsi Azərbaycanın müasir geosiyasi strategiyasının və regional liderlik statusunun konseptual xülasəsi kimi çıxış edir".
Bu sözləri SİA-ya açıqlamasında politoloq Tural İsmayılov deyib.
_(1)_(1)_(2)_(1)_(1)_(1).jpg)
Onun sözlərinə görə, politoloji qanunauyğunluqlar baxımından bu müsahibə, sadəcə aktual suallara verilən cavablar toplusu deyil, Cənubi Qafqazın yeni geosiyasi konfiqurasiyasının rəsmi Bakı tərəfindən diktə edilən rasional arxitekturasıdır:
"Dövlət başçısının nümayiş etdirdiyi strateji təmkin və ritorik dəqiqlik Azərbaycanın xarici siyasətindəki realizm dalğasını (realpolitik) aydın şəkildə nümayiş etdirir. Regional təhlükəsizlik, postmünaqişə dövrünün reallıqları və qlobal enerji diversifikasiyası kimi fundamental məsələlərə yanaşma emosional zəmindən uzaq, tamamilə beynəlxalq hüququn imperativlərinə və milli maraqların prioritetliyinə əsaslanır. Prezidentin mesajlarının daxili və xarici auditoriya üçün vahid semantik xətt üzrə qurulması ölkənin strateji hədəflərinin dəyişməzliyini təsdiqləyir. Xüsusilə, Ermənistanla sülh prosesinə dair irəli sürülən tezislər tərəfdaşlıq çağırışı deyil, regionun gələcək inteqrasiya xəritəsini müəyyən edən praqmatik yol xəritəsidir.
İlham Əliyev qlobal mediaya müraciətində güc amili ilə hüquq amilinin sintezini uğurla təqdim edərək, Azərbaycanı təkcə regional güc mərkəzi kimi deyil, həm də Avropanın enerji təhlükəsizliyinin institusional təminatçısı statusunda legitimləşdirir. Bu müsahibə ölkənin diplomatik manevr imkanlarının genişliyini və rəsmi Bakının qlobal güclərlə asimmetrik münasibətləri bərabərhüquqlu tərəfdaşlıq müstəvisinə keçirmək qabiliyyətini göstərən elmi-strateji sənəddir".
Bütün xəbərlər Facebook səhifəmizdə
USD
EUR
GBP
RUB