Ermənistan-Azərbaycan sərhədinnin delimitasiyası üzrə komissiya yaradılacaq - Andrey Rudenko

"Yaxın vaxtlarda Ermənistanla Azərbaycan arasında dövlət sərhədinin delimitasiyası üçün komissiya yaradıla bilər. SİA-nın “RİA Novosti”yə istinadən verdiyi məlumata görə, bu barədə Rusiya Federasiyası xarici işlər nazirinin müavini Andrey Rudenko bildirib.

Rusiya xarici işlər nazirinin müavini xatırladıb ki, noyabrın 26-da Soçidə Ermənistan, Rusiya və Azərbaycan liderləri Rusiyanın məsləhətçi dəstəyi ilə Ermənistan və Azərbaycan arasında dövlət sərhədinin delimitasiyası üzrə ikitərəfli komissiyanın yaradılması barədə razılığa gəliblər: “Biz güman edirik ki, bu, yaxın gələcəkdə baş verəcək. Biz bu sazişin yüksək səviyyədə həyata keçirilməsi üçün keçilməz maneə görmürük”.

Andrey Rudenko vurğulayıb ki, Rusiya Ermənistan-Azərbaycan sərhədinin müəyyən hissələrində vəziyyətin gərginləşməsinin lap əvvəlindən vasitəçi kimi çıxış edərək, Ermənistan və Azərbaycana müvafiq danışıqların təşkilində köməklik təklif edib.

Bütün xəbərlər Facebook səhifəmizdə