Azərbaycan Respublikasının Mərkəzi Bankı tərəfindən kommersiya banklarının və "Azərpoçt" MMC-nin nümayəndələri üçün "Azərbaycanda standart bank hesab nömrəsi (İBAN)" mövzusunda təqdimat keçirilib.
Mərkəzi Bankdan SİA-ya verilən xəbərə görə, təqdimatda Ödəniş sistemləri və hesablaşmalar departamentinin direktoru Kəmalə Qurbanova İBAN-ın mahiyyəti, strukturu, üstünlükləri və Azərbaycanda mövcud bank hesab nömrələrinin standartlaşdırılması məqsədilə yaradılmış İşçi Qrupunun fəaliyyəti və Azərbaycanda tətbiq ediləcək İBAN-ın strukturu və hesablar barədə ətraflı məlumat verib.
Tədbirdə həmçinin İBAN-a keçidlə əlaqədar bankların görəcəyi işlər və həmçinin Tədbirlər Planına uyğun olaraq reallaşdırılması zəruri olan məsələlərə də toxunulub.
İBAN - Bankçılıq Standartları üzrə Avropa Komitəsi (ECBS) və Standartlaşdırma üzrə Beynəlxalq Təşkilat (İSO) tərəfindən müəyyən edilmiş İSO 13616 beynəlxalq standartına uyğun olaraq yaradılan bank hesab nömrəsidir.
Bütün xəbərlər Facebook səhifəmizdə
USD
EUR
GBP
RUB