2011-ci ildə rabitə sahəsinə 415 milyon manat investisiya qoyulub ki, bu ölkə iqtisadiyyatına qoyulan investisiyanın 3,2 faizini təşkil edir. Sektora qoyulan investisiyaların 246,4 milyon manatı mobil operatorlar, 144,5 milyon manatı RİTN-in strukturuna daxil olan birlik və müəssisələr tərəfindən yatırılıb.
SİA-nın Rabitə və İnformasiya Texnologiyaları Nazirliyinə istinadən verdiyi məlumata görə, investisiya layihələri çərçivəsində 15 ədəd ATS rekonstruksiya olunub, 60 yeni ATS istifadəyə verilib, 22 ədəd ATS-də genişləndirmə işləri aparılıb. Nəticədə respublikanın ümumi telefon şəbəkəsi üzrə montaj tutumu 49896 nömrə artırılıb. Ölkə üzrə ümumi istifadəli sabit telefon şəbəkəsinin tutumu 1717196 nömrəyə çatdırılıb.
Bütün xəbərlər Facebook səhifəmizdə
USD
EUR
GBP
RUB