...Artıq məlum olduğu kimi, Ukrayna Təhlükəsizlik Xidməti gecə Rusiyanın Yaroslavl bölgəsində, Ukrayna sərhədindən 700 kilometrdən çox məsafədə yerləşən neft obyektinə zərbə endirib.
SİA-nın xarici qaynaqlardan əldə etdiyi məlumata görə, bu barədə Ukrayna Prezidenti Vladimir Zelenskinin ofisinə və Ukrayna Təhlükəsizlik Xidmətinə istinadən məlumat yayıb. Yaroslavl bölgəsində Rusiyanın dövlət ehtiyatları üçün vacib olan neft obyektinə ziyan dəyib.
Bu, Təhlükəsizlik Xidmətinin əməkdaşlarının gecə əməliyyatı zamanı seçdiyi hədəf olub.
Tula bölgəsində Novomoskovskdakı Azot zavoduna qarşı ayrıca bir zərbə endirilib. Zavod partlayıcı maddələrin istehsalı ilə məşğuldur.
28 bölgədə hava hücumu xəbərdarlıqları...
-Gecə əməliyyatının miqyası:
-Rusiyanın 28 bölgəsində hava hücumu xəbərdarlıqları verildi;
-Altı Rusiya hava limanında hava hərəkətinə məhdudiyyətlər qoyuldu;
-Zərbələr həmçinin rusların Ukraynanın müvəqqəti işğal olunmuş ərazilərindəki hərbi logistikasını da hədəf aldı.
Zelenskinin dedikləri...
...Əsgərlərimiz Rusiyada və Ukraynanın müvəqqəti işğal olunmuş ərazilərindəki mühüm hədəflərə qarşı uzunmənzilli sanksiyalar tətbiq etməkdə yaxşı nəticələr əldə ediblər, - deyə Ukrayna prezidenti bildirib.
Onun sözlərinə görə, Ukrayna uzunmənzilli zərbə planını yerinə yetirir və Rusiyanın müharibəni bitirməkdən imtina etməsinə cavab verir.
...Biz Rusiya rəhbərliyinə bütün mümkün danışıqlar formatlarını təklif etdik və yeganə cavab davamlı təcavüz və onu genişləndirmək cəhdləri oldu. Müharibənin gəldiyi yerə qayıtması məntiqlidir. Ukraynaya sülh lazımdır. Ukraynaya eşq olsun! - deyə Zelenski yazıb.
Ukrayna Təhlükəsizlik Xidməti əlavə edib ki, Temp neft anbarı benzin, dizel yanacağı və digər materialların saxlanması üçün istifadə olunur.
...Buradan Rusiya Federasiyası şimal-şərq bölgələrinə neft məhsulları tədarük edir və ordu üçün strateji yanacaq ehtiyatı təmin edir, - deyə bəyanatda bildirilir.
Pilotsuz təyyarənin zərbələrindən sonra neft anbarında böyük yanğın baş verib; anbarda ən azı üç böyük yanğın qeydə alınıb. Anbarda 60 saxlama çəni var.
Əli Babayev
Bütün xəbərlər Facebook səhifəmizdə
USD
EUR
GBP
RUB