Gürcüstanın daha bir neçə kanalı "Azerspace-1" vasitəsi ilə yayıma başlayacaqlar

Gürcüstanın "Media-Holding" şirkətinin nəzdində olan yerli "Rustavi-2", "Comedy TV" və "Marao TV" kanalları "Azerspace-1" vasitəsi ilə kommersiya yayımına başlayacaqlar.

SİA xəbər verir ki, müvafiq tərəfdaşlıq müqaviləsi "Azercosmos" ilə Gürcüstanın "Media Holding" şirkəti arasında imzalanıb.

Geniş auditoriyaya sahib olan bu kanallar gürcü dilində sosial, iqtisadi, analitik və mədəni proqramlar yayımlayır. Media Holdinqin "Azercosmos" ilə əməkdaşlığı sayəsində gürcü tamaşaçılar "Azerspace-1" peyki vasitəsi ilə bu televiziya yayım kanallarını izləyə biləcəklər.

Qeyd edək ki, Azərbaycanın peyk operatoru "Azercosmos" altı ildir Gürcüstanın yayım bazarında lider mövqeyini qoruyub saxlayır.

Xatırladaq ki, "Azercosmos" Cənubi Qafqazın aparıcı peyk operatorudur. "Azercosmos" tərəfindən idarə olunan telekommunikasiya peyki olan "Azerspace-1" Avropa, Afrika, Orta Şərq, Qafqaz və Orta Asiyadakı müştərilərinə yüksək etibarlı genişzolaqlı və genişyayımlı həllər təqdim edir. Peyk 2013-cü ilin fevralında orbitə çıxarılıb.

Bütün xəbərlər Facebook səhifəmizdə

loading...