“Neftçi”nin yeni transferi Qara Qarayev Konfrans Liqasının II təsnifat mərhələsində Bosniya və Herseqovinanın “Jelezniçar” klubuna qarşı oyunlarda “ağ-qaralar”a kömək edə bilməyəcək. SİA xəbər verir ki, futbolçu bu mövsüm avrokubokda artıq meydana çıxdığından belə problemlə üzləşib.
31 yaşlı yarımmüdafiəçi “Qarabağ”ın heyətində Çempionlar Liqasının I təsnifat mərhələsində Cəbəllüttariqin “Linkoln” klubuna qarşı səfər oyununda (2:1) üç dəqiqə oynayıb. UEFA-nın qaydalarına görə, o, digər klubun heyətində avrokubokda oynaya bilməz.
Bu vəziyyət qrup mərhələsində dəyişəcək. “Neftçi” Konfrans Liqasının qrupuna düşsə, Qarayevin xidmətindən yararlana biləcək.
Bütün xəbərlər Facebook səhifəmizdə
USD
EUR
GBP
RUB