Lamberto Zanyer: "Təkcə bu il münaqişə bölgəsində 28 nəfər öldürülüb"
ATƏT Dağlıq Qarabağ münaqişəsi ilə bağlı vəziyyətin pisləşməsindən ciddi narahatdır. Bunu "İnterfaks"a ATƏT-in baş katibi Lamberto Zanyer bildirib. O deyib ki, uzanan münaqişələrin həlli İrlandiyanın və ATƏT-in prioritetlərindən biridir.
Lamberto Zanyerin sözlərinə görə, Dnestryanı münaqişəsinin nizamlanmasında müəyyən irəliləyiş olsa da, Dağlıq Qarabağ münaqişəsi ətrafında vəziyyət beynəlxalq müşahidəçilərdə nikbinlik yaratmır: "Hamı irəliləyişin olmamasından və ayrı-ayrı yerlərdə vəziyyətin pisləşməsindən narahatdır. Təkcə bu il 28 nəfər öldürülüb. Şəxsən mən bu narahatlığı bölüşürəm".
ATƏT-in baş katibi deyib ki, ATƏT Minsk qrupunun və onun həmsədrləri Rusiya, Fransa və ABŞ-ın səylərini dəstəkləyir: "Lakin hər iki tərəf dinc danışıqlar yolu ilə sülh razılaşmasının əldə edilməsi üçün siyasi iradə nümayiş etdirməsə, heç bir beynəlxalq səy nəticə verə bilməz. Mən bunu Nyu-Yorkda Azərbaycan və Ermənistanın xarici işlər nazirləri ilə görüşdə də demişəm. Yalnız danışıqların ruhuna qayıdış və gələcəyə meyllənmək bölgədə çoxdan gözlənilən təhlükəsizliyi təmin edə bilər".
Bütün xəbərlər Facebook səhifəmizdə
USD
EUR
GBP
RUB