Bolqarıstanın energetika naziri İva Petrova Azərbaycanın Sofiyadakı səfiri Elmar Məmmədovla Azərbaycan Dövlət Neft Şirkətinin (SOCAR) Bolqarıstana və regiona təbii qaz tədarükünü artırması potensialını müzakirə edib.
Bu barədə SİA Bolqarıstan Energetika Nazirliyinə istinadən xəbər verir.
Tərəflər həmçinin Xəzər regionundan Avropaya yaşıl enerji dəhlizlərinin inkişafını və Azərbaycanın Bolqarıstana investisiya imkanlarını müzakirə ediblər.
Nazirlikdən xatırladıblar ki, iki ölkə arasında diplomatik münasibətlərin qurulmasından 34 il ötüb və bu müddət ərzində energetika uğurlu əməkdaşlığın mühüm sahələrindən birinə çevrilib.
"Yaşıl enerji dəhlizi 2024-cü ildə prezidentlər Radev və Əliyev tərəfindən irəli sürülmüş layihədir. O, regionlar arasında bərpa olunan elektrik enerjisinin ötürülməsi və ticarəti sahəsində imkanları genişləndirəcək. 2026-cı il mayın 22-də İstanbulda nazirlərin üçüncü görüşü zamanı Bolqarıstan, Azərbaycan, Türkiyə və Gürcüstanın Energetika nazirlikləri arasında bu layihənin həyata keçirilməsinə dair hökumətlərarası sazişin imzalanmasının sürətləndirilməsi məsələsi də müzakirə edilib", - məlumatda qeyd olunub.
Bütün xəbərlər Facebook səhifəmizdə
USD
EUR
GBP
RUB