Bildiyimiz kimi, Milli Şuranın Koordinasiya Mərkəzinin üzvü Gültəkin Hacıbəyli “Putinin andiçmə mərasiminə gələn tək-tük qonaqlar arasında Qvineya-Bisau prezidenti Siloku Embalo da var. İki ay öncə Rusiya bu ölkənin 27 milyon dollar borcunu bağışlamışdı. Necə deyərlər, əl-əli yuyar. Deyirəm, 27 milyon bizim hakimiyyət üçün pul deyil, əl çirkidir. Bəlkə Qambiya ilə viza rejiminin ləğvindən sonra Qvineya-Bisau ilə analoji saziş imzalayaraq xalqımızın Qambiya sevincinə Qvineya sevinci də qataq. Afroinreqrasiyadırsa, tam olsun” kimi fikirlər səsləndirmişdi. SİA mövzu ilə bağlı deputat Ceyhun Məmmədovun fikirlərini öyrənib.
Ceyhun Məmmədov bildirib ki, o bu cür yanaşmaları qeyri-ciddi hesab edir: “Bu cür müqayisələrin aparılması da yanlışdır. Yəni, müxalifətçilik o anlamda deyil ki, dövlətin bütün müsbət işlərini gözdən salmaq üçün davamlı olaraq cəhdlər edilsin və addımlar atılsın. Müxalifətin funksiya və vəzifəsi tamamilə başqadır.
Bugün Rusiyadan bəhs edərək Azərbaycanın da bu məsələyə qarışdırılması hesab edirəm ki, bu dövlətçilik təfəkkürünün olmamasından irəli gələn bir məsələdir. Azərbaycan inkişaf edir. Həmçinin, Rusiya ilə də münasibətlərimiz də yüksəkdir. Biz davamlı olaraq dünyanın ayrı-ayrı ölkələrinin Azərbaycanla əlaqələrini inkişaf etdirməyə çalışdığını görürük. Ona görə burada bu formada məsələlərə yanaşılmamalıdır.
Azərbaycan Afrika dövlətləri ilə münasibətini inkişaf etdirir. Bugün təkcə Azərbaycan yox, dünyanın əksər ölkələri Afrika ölkələri ilə münasibətlərin qurulması üçün çalışırlar və o mənada Qamberi ilə də Azərbaycan viza rejimini ləğv edə bilər. Bu məsələyə normal yanaşılmalıdır və burada hansısa bir paralelin aparılması da kökündən yanlışdır. Bu insanlarda dövlətə, dövlətçiliyə qarşı o qədər kin və küdurət var ki onlar heç bir həqiqəti görmək istəmirlər. Azərbaycanın ən xırda uğuru belə onları qıcıqlandırır və onlar bu cür açıqlamaları, bəyanatları verirlər”.
Ayşən Vəli
Bütün xəbərlər Facebook səhifəmizdə
USD
EUR
GBP
RUB