Bakı Dövlət Universitetinin (BDU) Hüquq fakültəsinin tələbələri Elm və Təhsil Nazirliyinin “Danışır təcrübə” layihəsi çərçivəsində Ali Məhkəmənin sədr müavini Çingiz Əsgərovla görüşüblər.
SİA-nın məlumatına görə, BDU-dan bildirilib ki, görüşdə Çingiz Əsgərov “Konstitusiya və hüququn aliliyi” mövzusunda çıxış edib. O vurğulayıb ki, hüququn aliliyi yalnız məhkəmə sisteminin deyil, həm də bütün dövlət qurumlarının fəaliyyətinin əsas prinsipi olmalıdır. Konstitusiyada əksini tapan hüquq normalarının real həyata tətbiqi hüququn aliliyinin ən mühüm göstəricisidir. Hər bir dövlət orqanı qəbul etdiyi qərarlarda vətəndaş maraqlarını və Konstitusiya normalarını əsas götürməlidir. Bu, həm idarəetmənin keyfiyyətinə, həm də cəmiyyətin dövlətə olan inamına birbaşa təsir göstərir.
“Konstitusiya və Suverenlik İli” çərçivəsində keçirilən görüşdə hüququn insan həyatındakı həlledici rolu, Konstitusiya dəyərlərinin gündəlik qərarlara, vətəndaş münasibətlərinə və idarəetmə proseslərinə təsiri barədə geniş fikir mübadiləsi aparılıb.
Daha sonra tələbələrin mövzu ilə bağlı sualları cavablandırılıb. Görüş müzakirələrlə davam edib.
Qeyd edək ki, layihənin məqsədi müxtəlif sahələrdə təcrübə və bilik mübadiləsini təşviq etməklə tələbələrin şəxsi və peşəkar inkişafına dəstək göstərməkdir.
Bütün xəbərlər Facebook səhifəmizdə
.jpg "Ramiz Mehdiyevin Vəkilləri ŞİKAYƏTİ GERİ ÇƏKDİ - ŞOK SƏBƏB!")
USD
EUR
GBP
RUB