Bakı Dövlət Universitetinin (BDU) “Zəfər tarixi” lektoriyasında Jurnalistika fakültəsinin təşkilatçılığı ilə “Vətən müharibəsi qazi övladlarının gözü ilə” adlı tədbir keçirilib.
SİA yerli mənbələrə istinadən xəbər verir ki, bu barədə BDU-dan məlumat verilib.
Tədbirin əvvəlində Azərbaycanın ərazi bütövlüyü uğrunda qəhrəmancasına həlak olmuş şəhidlərin əziz xatirəsi bir dəqiqəlik sükutla anılıb.
BDU-nun Jurnalistika fakültəsinin dekanı Vüqar Əliyev bildirib ki, ali məktəblərin əsas missiyası vətənpərvər, milli dəyərlərə sadiq, cəmiyyətin problemlərinə həssas gənclər yetişdirməkdir. Belə görüşlər gənc jurnalistlərin gələcək peşə fəaliyyətlərində də müsbət nəticəsini göstərəcək.
Jurnalistika fakültəsinin sosial məsələlər və tələbələrlə iş üzrə dekan müavini Samir Mirzəyev fakültədə qazilərlə görüşlərin mütəmadi olaraq keçirildiyini deyib. Qeyd edib ki, tarixi Zəfərimizin beşinci ildönümündə təşkil edilən bu tədbirlər böyük əhəmiyyətə malikdir.
Milli mətbuat tarixi kafedrasının müdiri, professor Cahangir Məmmədli qeyd edib ki, qazilərin keçdiyi həyat yolu, döyüş təcrübəsi gələcək jurnalist nəslinə milli-mənəvi dəyərlərin aşılanmasında mühüm rol oynayır.
Qazi jurnalistlər - Baku TV-nin əməkdaşı Tarverdi Tarverdiyev və Azərbaycan Futzal Federasiyasının mətbuat xidmətinin rəhbəri, Jurnalistika fakültəsinin məzunu Mahal Məmmədov döyüş yolundan danışıb, jurnalistlik fəaliyyətləri ilə bağlı fikirlərini bölüşüblər.
Qazi jurnalistlərin övladları – Jurnalistika fakültəsinin birinci kurs tələbələri Məryəm Tarverdiyeva və Aytən Məmmədova çıxışlarında deyiblər ki, Vətən müharibəsindəki tarixi qələbə bütöv Azərbaycan gəncliyi üçün ən qiymətli ərməğan, onu qorumaq isə hər kəsin vətəndaşlıq borcudur.
Bütün xəbərlər Facebook səhifəmizdə
.jpg "Əməliyyatlar DAYANDIRILSIN - PUTİN GÖSTƏRİŞ VERDİ!")
.jpg "Adnan Əhmədzadə DUBAYDA QIZLARLA.. - ŞOK FAKTLAR!")
.jpg)
USD
EUR
GBP
RUB