Azərbaycan ədəbiyyatının görkəmli nümayəndəsi, böyük şair, tanınmış maarifçi və ictimai xadim Əhməd Cavadın anadan olmasının 130 illiyi münasibətlə qardaş Türkiyədə keçirilən silsilə tədbirlər davam edir.
SİA-nın əldə etdiyi məlumata görə, bu çərçivədə Ankarada təşkil olunan konsert proqramı iki qardaş ölkənin Dövlət himnlərinin səsləndirilməsi ilə başlanıb.
Konsertdə Azərbaycanın korifey və müasir bəstəkarlarının əsərləri səsləndirilib.
Beynəlxalq müsabiqələr laureatı Mustafa Mehmandarovun dirijorluğu ilə Türkiyə Prezident Administrasiyası Simfonik Orkestri və TRT Ankara radiosunun xorunun müşayiətilə Azərbaycanın Xalq artisti Azər Zeynalov, həmçinin solistlər Nigar Cəlilova, Orxan Cəlilov və Xəyyam Məmmədov Əhməd Cavadın sözlərinə bəstələnmiş əsərləri ifa ediblər.
İlk dəfə səslənən əsərlərin böyük rəğbətlə qarşılandığı salonda dillər əzbəri olan “Çırpınırdın Qara dəniz” mahnısının sədaları xüsusi coşqu yaradıb.
Tamaşaçılar rəngarəng ifaları hərarətli alqışlarla ayaqüstə qarşılayıblar.
Bütün xəbərlər Facebook səhifəmizdə
USD
EUR
GBP
RUB