Mayın 23-24-də İstanbulda Türkiyə Radio və Televiziya Qurumunun (TRT) ev sahibliyi ilə Avropa Yayım Birliyinin (EBU) Media Sammiti keçiriləcək. SİA bu barədə Türkiyə saytlarına istinad edir.
TRT-nin də üzvü olduğu EBU nümayəndələri yeni növ koronavirus epidemiyası səbəbindən iki ildən sonra ilk dəfə üz-üzə görüşəcək.
Sammitdə ictimai yayımın gələcəyi, həll edilməli olan problemlər, yeni tendensiyalar və gənclər üçün əlçatanlıq kimi mövzular müzakirə olunacaq.
Türkiyə və Avropadan önəmli şəxslərin qatılacağı gözlənilən sammitdə TRT baş direktoru Mehmet Zahid Sobacı və EBU baş direktoru Noel Curran açılış nitqləri ilə çıxış edəcəklər.
"TRT World"ün təcrübəli aparıcısı Maria Ramosun təqdim edəcəyi, ictimai yayımın bu günü və gələcəyinin müzakirə ediləcəyi sammitdə "Google TV Məzmun Əməkdaşlıqlarının rəhbəri Teodora İvanova-Lemon, biznesin inkişafı üzrə beynəlxalq ekspert Olivier Van Duüren, Alejandro Laqo Barselona Navarra Universitetinin IESE Biznes Məktəbinin professorları da məruzəçi qismində iştirak edəcəklər.
Bütün xəbərlər Facebook səhifəmizdə
USD
EUR
GBP
RUB
