Bu gün Beynəlxalq Muğam mərkəzində Azərbaycan Respublikası Nazirlər Kabinetinin 22 fevral 2021-ci il tarixli sərəncamı ilə təsdiq edilmiş “Dahi Azərbaycan şairi və mütəfəkkiri Nizami Gəncəvinin 880 illik yubileyinin keçirilməsinə dair Tədbirlər Planı”na əsasən Azərbaycan Respublikasının Mədəniyyət və Xarici İşlər Nazirlikləri tərəfindən keçirilən “Nizami Gəncəviyə məktub” beynəlxalq esse müsabiqəsinin qalibləri müəyyənləşib. SİA xəbər verir ki, 16 noyabr 2021-ci il tarixində elan edilən müsabiqəyə esselərin qəbulu 30 dekabr tarixində başa çatıb.
Yekunda müsabiqəyə 19 ölkədən 4 dildə (Azərbaycan, türk, ingilis və rus) olmaqla ümumilikdə 288 esse təqdim edilib. 24 əsər müsabiqə qaydalarına cavab vermədiyi üçün qəbul olunmayıb. Müsabiqədə obyektivliyi və şəffaflığı təmin etmək üçün qəbul edilən 264 esse və onların müəllifləri xüsusi ştrix ilə şifrələnib və “Nizami Gəncəviyə məktub” müsabiqəsinin qiymətləndirmə komissiyasına təqdim edilib.
“Nizami Gəncəviyə məktub” müsabiqə komissiyasının fərdi qiymətləndirmə cədvəlinə əsasən alınan ümumi nəticəyə və komissiyanın yekun qərarına uyğun olaraq aşağıdakı əsərlər müsabiqənin qalibləri elan edilib.
I yer – Selçuk Karakılıç “Büyük Kahraman”: Nizami Gencevi”
(Türkiyə Respublikasının vətəndaşı)
II yer – Tariq Yousef “A Letter to Nizami Ganjavi”
(Küveyt Dövlətinin vətəndaşı)
III yer – Mülayim Hümmətova “Nizami Gəncəviyə məktub”
(Rusiya Respublikasının vətəndaşı)
Mədəniyyət Nazirliyinin müvafiq əmrinə əsasən müsabiqənin birinci yer üzrə qalibinə 2021 ABŞ dolları, ikinci yer üzrə qalibinə 1141 ABŞ dolları və üçüncü yer üzrə qalibinə 880 ABŞ dolları məbləğində pul mükafatı və nazirliyin xüsusi diplomu təqdim olunacaq.
Səbinə Hüseynli
Bütün xəbərlər Facebook səhifəmizdə
USD
EUR
GBP
RUB