“Durna balığı” onlayn göstəriləcək

A.Şaiq adına Azərbaycan Dövlət Kukla Teatrı mayın 7-də rusdilli tamaşaçıları üçün maraqlı səhnə əsəri ilə çıxış edəcək.

SİA-nın məlumatına görə, sənət ocağının kollektivi rus xalq nağılı əsasında hazırlanan “Durna balığı” tamaşası ilə teatrsevərlərin görüşünə onlayn gələcək.

Tamaşanın quruluşçu rejissoru Anar Məmmədov, quruluşçu rəssamı Əfşan Əsədovadır. Musiqili səhnə işində uşaqlara sehrli nağıl dünyasına səyahət vəd olunur.

Qeyd edək ki, saat 12:00-da təqdim ediləcək səhnə əsəri teatrın yutub kanalı vasitəsilə göstəriləcək.

Bütün xəbərlər Facebook səhifəmizdə