Türkiyə Radio Televiziya Qurumunun (TRT) təşkil etdiyi “TRT World Citizen 2020-2021'' mükafatının qalibləri müəyyən edilib. SİA bu barədə Türkiyə saytlarına istinad edir.
TRT-nin sosial məsuliyyət təşəbbüsü olan “TRT World Citizen'' mükafatına layıq görülənlər İstanbulda təşkil edilən mərasimdə bəlli olub.
Mərasimdə çıxış edən TRT-nin baş direktoru Mehmet Zahid Sobacı mükafata layiq görülənlərin yaxşılığa öz töhfəsini verdiyini bildirib.
Cari əsrin bir çox qlobal sınaqların, problemlərin və müharibələrin qaranlıq kölgəsi altında irəlilədiyini bildirən Mehmet Zahid Sobacı yeni növ koronavirus (Covid-19) epidemiyası, qida böhranı, qlobal istiləşmə və enerji böhranı kimi qlobal problemlərin yaşandığını vurğulayıb.
Mahmet Zahid Sobacı bildirib ki, Türkiye Rusiya və Ukrayna tərəflərinin bir araya gəldiyi, problemlərin müzakirə edildiyi və həll yollarının tapıldığı bir ölkə və sülh mərkəzi olaraq bütün imkanlarını səfərbər edir. Türkiyə Covid-19 epidemiyası zamanı 150-dən çox ölkəyə humanitar və tibbi yardım göndərib.
TRT-nin baş direktoru 24 fevraldan bəri davam edən Rusiya-Ukrayna müharibəsində tərəflərin bir araya gəldiyi və dialoq mühiti üçün fürsət verən yeganə yerin İstanbul olduğunu vurğulayıb.
“Bu müharibə nəticəsində böyük ərzaq böhranına səbəb olacaq taxıl problemi prezidentimiz Rəcəb Tayyib Ərdoğanın göstərdiyi səylər nəticəsində həll olundu”,-deyə TRT-nin Baş direktoru vurğulayıb.
Qeyd edək ki, çıxışlardan sonra qaliblərə mükafatlar təqdim olunub.
Bütün xəbərlər Facebook səhifəmizdə
USD
EUR
GBP
RUB