"Rəşad, səni mənim əlimdən heç kim ala bilməz" VİDEO

Xəbər verdiyimiz kimi, müğənni Nura Suri ilə əməkdar artist Rəşad İlyasov arasında gərginlik yaşanmışdı. Həmin söz-söhbətə müğənni Kərim Abbasov da reaksiya verib. O, verilişlərin birində əməkdar artisti təhdid edib: "Nura Surinin məclislərin birində mahnısını kəsmisən. Bunu özünüz bilərsiniz. Amma nə vaxtsa səninlə eyni toyda olarıq, çaşıb mənə qarşı da bu hərəkəti edərsən, sonra səni mənim əlimdən heç kim ala bilməz".

R.İlyasov müğənni N. Surinin "Toyda Rəşadın işçiləri mahnımı kəsdilər" iddiasını qəbul etmədiyini deyib və bu cavabı verib: "Belə bir şey ola bilməz. Gəldi ifa etməyə, əvvəl bilmədik nə oxuyacaq. Gördük mahnısı kəsildi, ikinci dəfə kəsiləndə yaxınlaşdım. Bəyin anası dedi ki, problem var, kömək edəK? İnsanlarda bizi gözləyirdilər. Səs rejissoru dedi, disk işləmir. Nuraya dedim canlı oxuyaq, oxuduq. Pis alınmadı. Musiqiçilərim də onu müşayiət etdilər. Hətta Nura xanımın fonoqramı bitmişdi, onun tonallığında ifa etdik. İnsanlara dedim ki, ekspromt idi, necə alındı? Hamı dedi, əladır.

Gedəndən sonra gördüm belə bir şey yazıb. Heç bir sənət dostuma belə bir şey etmərəm. Bir ifaçı ilə aram yox idi, amma məclisdə onu təqdim etdim.

Nura xanımın yazdığı statusdan sonra səs rejissorumdan soruşdum, dedi, onun mini diskini gətirdilər. Taxdıq "eror" yazdı, Nuraya dedik, amma qayıtdı ki, bizlikdi, taxın. Nura xanımın köməkçisi deyib ki, iPad-lə oxuya bilmərik. Onun ucbatından, diski köhnə olduğu üçün baş verib. Yalan danışmasın. Musiqiçilər də, mikrofon da oradadır, ürəyi istəyirdi oxuyardı. Orada ən yüksək səviyyəli aparatlar var idi, heç kimin boynuna atmasın. Rəşadın işçisi bunu hansı haqla edə bilər?".

Qeyd edək ki, Nura Rəşadın ünvanına "Bax belə alçaqlıq edirlər müğənnilərə qarşı. Elə bilirsiz asandır belə əclafların arasında baş çıxarmaq. Rəşad İlyasovun işçisidir. İki dəfə mahnımı kəsdirdi. Yaxşı ki, çəkib göndəriblər, özüm şahidi oldum. Sonra da gəlib ki, canlı oxuyaq. Öz tonallığında oxutdurdu məni. Yaxşı ki, əsəbiləşmədim və belə hallara hazıram" sözlərini deyib.

Bütün xəbərlər Facebook səhifəmizdə

loading...