Türkiyə Fəlakət və Fövqəladə Hallar İdarəsinin (AFAD) koordinasiyası ilə mayın 8-də Türkiyə-Qətər Qəzza Xeyirxahlıq Gəmisi Mersin limanından yola düşüb. SİA bu barədə Türkiyə saytlarına istinad edir.
AFAD-ın dəstəyilə Qətər İnkişaf Fondu, qeyri-hökumət təşkilatları və Türkiyə Səhiyyə Nazirliyi tərəfindən təmin edilən qida, sağlamlıq, gigiyena və sığınacaq materiallarından ibarət 1900 ton humanitar yardım materialı Türkiyə-Qətər Qəzza Xeyirxahlıq Gəmisinə yüklənib.
Mersin Beynəlxalq Limanında hazırlıqlar tamamlandıqdan sonra gəmi yola düşüb və təxminən 40 saat sonra Misirin Qəzzaya ən yaxın bölgə olan Ariş limanına çatacaq.
Qeyd edək ki, 2024-cü ilin 8 mayına qədər AFAD, Türkiyə Səhiyyə Nazirliyi, Fondlar Baş İdarəsi, Türkiyə Qızıl Aypara Cəmiyyəti və qeyri-hökumət təşkilatlarının əməkdaşlığı sayəsində 13 təyyarə və 10 gəmi ilə Qəzzaya ümumilikdə 52 min 16 ton müxtəlif humanitar yardım materialı göndərilib.
Bundan əlavə, Türkiyə və Misir qızıl aypara cəmiyyətləri bölgədəki mülki əhalinin su ehtiyacını ödəmək üçün həyata keçirilən “Misirdən qablaşdırılmış su təchizatı layihəsi” çərçivəsində göndərilən suyun miqdarı 1735 ton olub.
Bütün xəbərlər Facebook səhifəmizdə
USD
EUR
GBP
RUB