Ermənistan Mərkəzi Seçki Komissiyası müntəzəm parlament seçkilərində səsvermənin keçirildiyi bütün 2005 seçki məntəqəsindən bülletenlərin emalına əsaslanan məlumatları təqdim edib.
SİA xarici KİV-ə istinadən xəbər verir ki, parlamentə aşağıdakı dörd siyasi qüvvə daxil olur: Vətəndaş Müqaviləsi Partiyası - 49,81%, Güclü Ermənistan bloku - 23,29%, Ermənistan bloku - 9,94% və Çiçəklənən Ermənistan Partiyası - 4%.
İyunun 7-də Ermənistanda 2005 seçki məntəqəsində 9-cu çağırış Milli Məclisə müntəzəm seçkilər keçirilib.
Mərkəzi Seçki Komissiyasının məlumatına görə, Ermənistanın seçici siyahısına 2.503.974 nəfər daxil edilib. Saat 20:00-a olan məlumata görə, seçici fəallığı 58,97% təşkil edib.
Parlament seçkilərində minimum iştirak həddi yoxdur. Bu o deməkdir ki, seçkilər neçə vətəndaşın səsvermədə iştirak etməsindən asılı olmayaraq keçərli hesab olunur.
Qanunla müəyyən edilmiş həddi aşan partiya və bloklara Ermənistan Milli Məclisinə seçkilərdə parlament mandatlarını bölüşdürməyə icazə verilir: partiyalar üçün 4%, iki partiyadan ibarət bloklar üçün 8% və üç və ya daha çox partiyadan ibarət bloklar üçün 10%.
Bütün xəbərlər Facebook səhifəmizdə
USD
EUR
GBP
RUB