...Ukraynanın Rusiyanın Belqorod bölgəsindəki bəndə hücumu böyük daşqınlara səbəb olub və Ukraynanın Vovçansk şəhəri yaxınlığında Rusiya qoşunlarının maddi-texniki təminatını ciddi şəkildə çətinləşdirib.
SİA xəbər verir ki, The Telegraph qəzetinin məlumatına görə, Belqorod su anbarından gələn su onların səngərlərini doldurduqdan sonra bəzi Rusiya ordu bölmələri əsas qüvvələrdən təcrid olunub.
...Əsas məsələ düşmənin maddi-texniki təminatının xeyli mürəkkəbləşməsidir. Severski Donetsini keçən bölmələr faktiki olaraq arxa ərazilərindən təcrid olunub. Biz hərbi əsir fondunun doldurulmasını gözləyirik, - deyə Ukrayna Silahlı Qüvvələrinin 16-cı Ordu Korpusunun sözçüsü bildirib.
Hücumdan əvvəl Rusiya qoşunları çayların qurumasına və texnikanın hərəkətini asanlaşdırmasına səbəb olan isti hava şəraitindən istifadə edərək Vovçansk yaxınlığında mövqelərini fəal şəkildə möhkəmləndirirdilər. Lakin indi Severski Donetsində suyun səviyyəsi kəskin şəkildə yüksəlib və cəbhə xətti bataqlıq tələsinə çevrilib.
Hadisə Ukraynanın şərqində döyüşlərin şiddətləndiyi bir vaxtda baş verib.
Son günlərdə Rusiya qüvvələri Donetsk vilayətindəki Pokrovsk şəhərinin bir hissəsinə daxil olub, lakin Ukrayna komandanlığı Moskvanın şəhərin "tam mühasirəsi" barədə iddialarını təkzib edir.
Əli Babayev
Bütün xəbərlər Facebook səhifəmizdə
USD
EUR
GBP
RUB