İsrailin keçmiş baş naziri Ehud Barak ABŞ prezidenti Donald Trampın Qəzza zolağı ilə bağlı planını heç kimin ciddiyə almadığını bildirib və bunu "xəyal məhsulu" adlandırıb. SİA bu barədə Türkiyə saytlarına istinad edir.
Ehud Barak İsrail Ordusu Radiosunda Donald Trampın fələstinlilərin başqa yerlərə göndərilməsi və ABŞ-ın bölgəni nəzarətinə keçirməsi ilə bağlı açıqlamalarını qiymətləndirib. Ehud Barak Trampın planını "xəyal məhsulu" adlandıraraq deyib: "Bu, kiminsə ciddi şəkildə düşündüyü bir plan kimi görünmür. Bu, daha çox sınaq balonu və ya bəlkə də İsrailə dəstək siqnalı vermək cəhdi kimi görünür."
Ehud Barak həmçinin qeyd edib ki, Trampın bəyanatları ərəb ölkələrinə "Qəzzədəki vəziyyətlə bağlı bir həll yolu təklif etmələri və ''Həmas''ı hakimiyyətdən uzaqlaşdırmalarını dəstəkləmələri üçün edilib.
Ay Evdə İsrail Baş naziri Benyamin Netanyahunu qəbul edən Donald Tramp ABŞ-ın Qəzzanı təhvil alacağını və bölgədəki fələstinlilərin qonşu ölkələrə, xüsusilə Misir və İordaniyada yaradılacaq yaşayış məntəqələrinə getmələrinin daha yaxşı olacağını bildirmişdi. Donald Tramp fələstinlilərin Qəzzanı tərk etməkdən başqa çarələrinin olmadığını iddia edib.
Bütün xəbərlər Facebook səhifəmizdə
USD
EUR
GBP
RUB
