Prezident Rəcəb Tayyib Ərdoğan paytaxt Ankarada "Hədəf 2053 Xalis Sıfır Emissiya "Ar-Ge və İnnovasiya Sıçrayışı" koordinasiya yığıncağında çıxış edib.
"Resurslardan səmərəli istifadə edərək, tədqiqat və inkişaf (Ar-Ge) və innovasiya fəaliyyətlərini dəstəkləməklə, hədəfimiz 2053-cü ildə emissiyaları sıfıra çatdırmaqdır".
SİA-nın türk saytlarından əldə etdiyi məlumata görə, bunu Prezident Rəcəb Tayyib Ərdoğan paytaxt Ankarada "Hədəf 2053 Xalis Sıfır Emissiya "Ar-Ge və İnnovasiya Sıçrayışı" koordinasiya yığıncağında etdiyi çıxışda deyib.
Ölkə daxilində yaşıl inkişaf təşəbbüslərini həyata keçirməyə başladıqlarını bildirən Ərdoğan "Resurslarımızdan səmərəli istifadə edərək, Ar-Ge və innovasiya fəaliyyətlərini dəstəkləməklə 2053-cü il üçün xalis sıfır emissiya hədəfimizə doğru yolumuza davam edəcəyik" ifadələrindən istifadə edib.
Təkcə elm və texnologiya sahəsində məqsədlərinə çatmadıqlarını, bir çox sahədə həddi aşdıqlarını vurğulayan Ərdoğan deyib:
“Elm və texnologiyanın lokomotivi olan müdafiə sənayesindəki uğurlarımız bunun ən mühüm sübutudur”.
Elm və texnologiyada əldə edilən irəliləyişlər sayəsində Türkiye Cümhuriyyətinin yeni əsrinə güclü bir şəkildə daxil olduqlarını ifadə edən Ərdoğan onu da deyib ki, siyasətdən iqtisadiyyata, sosial sahədən texnologiyaya qədər bütün mövzularda zirvəyə çatmağı hədəfləyirik.
Əllərində olan imkanları və resursları bütün bəşəriyyətin xidmətinə təqdim edəcək anlayışla hərəkət edəcəklərini vurğulayan dövlət başçısı "Yeni növ koronavirus (Covid-19) epidemiyası zamanı etdiklərimizlə, Rusiya-Ukrayna müharibəsi zamanı mövqeyimizlə və taxıl dəhlizi başda olmaqla həyata keçirdiyimiz müsbət irəliləyişlərlə bunu sübut etdik” deyib.
Bütün xəbərlər Facebook səhifəmizdə
USD
EUR
GBP
RUB