FIFA U-17 qadınlararası dünya çempionatı Azərbaycan 2012-nin Rəsmi Kuboku DÇ-nin milli dəstəkçilərindən biri olan Paşa Sığortaya təqdim edilib. Siasport.az saytının məlumatına görə, Paşa Sığortanın baş ofisində keçirilən rəsmi təqdimat mərasimində FIFA U-17 qadınlararası dünya çempionatı Azərbaycan 2012-nin Yerli Təşkilat Komitəsinin və Paşa Sığortanın işçiləri iştirak ediblər.
Dünya çempionatına hədiyyə olaraq, çempionatın Rəsmi kuboku Paşa Sığorta tərəfindən sığortalanıb. Arzu edən hər kəs avqust ayının 13-dən 16-na kimi Paşa Sığortanın baş ofisində sərgilənəcək və təşkilatın digər filiallarına da aparılacaq kubokla fotoşəkil çəkdirə bilər. Paşa Sığortanın ofisində kubokla birlikdə FIFA U-17 qadınlararası dünya çempionatı Azərbaycan 2012-nin Rəsmi Talismanı Top Top Qız-ı görmək və burada yerləşdirilmiş məlumat lövhəsində müvafiq məlumatlar əldə etmək olar.
Xatırladaq ki, rəsmi kubok ötən həftə Dünya Çempionatının digər milli dəstəkçisi Xalq Bankın baş ofisində təqdim olunmuşdu.
Bütün xəbərlər Facebook səhifəmizdə
USD
EUR
GBP
RUB
