Daha bir ölkə Bakıda keçiriləcək boks üzrə dünya çempionatı üçün heyətini açıqlayıb. Siasport.az saytı xəbər verir ki, Amerika Birləşmiş Ştatlarının (ABŞ) milli komandası Heydər Əliyev adına İdman-Konsert Kompleksində təşkil olunacaq yarışda tam heyətlə mübarizə aparacaq. Amerikalıların kapitanı və lideri 52 kq çəki dərəcəsində mübarizə aparacaq Roşi Uorrendir. 2007-ci ildə Çikaqoda keçirilmiş dünya çempionatında qızıl, bundan 2 il əvvəl isə Çində bürünc medal qazanmış boksçu paytaxtımızda da komandasının əsas medal ümidlərindən olacaq. Komandanın daha bir təcrübəli üzvü 2 dəfə Olimpiya oyunlarında iştirak etmiş Maykl Hanterdir (91 kq). Ötən il hərbçilərin dünya çempionatında yalnız finalda məğlub olmuş Camel Herrinq (64 kq) ABŞ-ın həvəskar boksdakı yeni istedadlarından sayılır. Amerikalılar sentyabrın 17-də Bakıya gəlməyi planlaşdırırlar.
ABŞ milli komandasının heyəti
49 kq: Eros Korrea
52 kq: Roşi Uorren
56 kq: Cozef Dias
60 kq: Xose Ramirez
64 kq: Camel Herrinq
69 kq: Errol Spens
75 kq: Cess Hart
81 kq: Markus Broun
91 kq: Maykl Hanter
91+kq: Lenroy Tompson
Bütün xəbərlər Facebook səhifəmizdə
USD
EUR
GBP
RUB