"Mançester Siti" və "Liverpul" "Real Soseyadad"ın cinah müdafiəçisi Con Aramburu ilə maraqlanır. Hər iki klub 24 yaşlı futbolçu barəsində məlumat toplamağa başlayıb.
SİA yerli mənbələrə istinadən xəbər verir ki, bu barədə "TEAMtalk" nəşri məlumat yayıb.
Aramburunun müqaviləsində təxminən 50 milyon funt-sterlinq (58,5 milyon avro) məbləğində sərbəstqalma bəndinin olduğu qeyd edilib. Yay t"ransfer pəncərəsi"ndə Venesuela millisinin üzvü ilə "Tottenhem", "Nyukasl" və "Everton" klubları da yaxından maraqlanıb.
Cari mövsümdə Aramburu La Liqada 6 matçda meydana çıxsa da, fərqlənə bilməyib. Futbolçunun klubu ilə hazırkı müqaviləsinin müddəti 2030-cu ilin yayına qədər nəzərdə tutulub. "Transfermarkt" portalında gənc müdafiəçinin dəyəri 15 milyon avro təşkil edir.
Bütün xəbərlər Facebook səhifəmizdə
USD
EUR
GBP
RUB
