"EMEDIA GROUP" Media təşkilatı, Zəfər təntənəsi təşkilatı və Bakı şəhər Mədəniyyət Baş idarəsinin birgə təşkilatçılığı ilə Şəhid və Qazi övladları üçün növbəti "Xeyriyyəçilik nəciblikdir" xeyriyyə tədbiri keçirilib. SİA xəbər verir ki, tədbirdə ilk öncə şəhidlərimizin ruhu 1 dəqiqəlik sükutla yad edilib.
Daha sonra Azərbaycan Respublikasının Dövlət himni səsləndirilib. Rəqqasə Fatimə Fətəliyevanın ifasında Xarı Bülbül rəqsi ilə tədbirin açılışı olunub. "EMEDIA GROUP" Media təşkilatının sədri Elşən Əliyev və Zəfər təntənəsi təşkilatının rəhbəri Vəsilə Qabilqızı vətənin azadlığı uğrunda canlarından keçmiş şəhidlərimizin və sağlamlığını itirmiş qazilərimizin övladlarının bizlərə atalarının əmanəti olduqlarını bir daha xatırlatdılar.
Tədbirdə, 1ay öncə xeyriyyə tədbiri elanı nəticəsində müraciət edərkən siyahıya alınmış şəhid və qazi övladlarının kiçik toy məclisi keçirilib.
Tədbirin baş tutmasında Kəmalə Nəsibova və qazimiz Zakir İmanov da yaxından iştirak edib. Mərasimdə Milli Məclisin deputatları Vüqar İsgəndərov, Aydın Mirzəzadə, Jalə Əhmədova, Ceyhun Məmmədov, Baş İdarənin rəisi İbrahim Əliyev, şəhid Cəbrayıl Dövlətzadənin anası Məleykə Məmmədzadə, şəhid və qazi ailələrinin üzvləri iştirak ediblər.
Həmçinin Azərbaycan Respublikasının xalq artistləri Afaq Bəşirqızı, Flora Kərimova, Könül Xasıyeva, Əməkdar artist Nailə İslamzadə, populyar müğənnilər Elnur Məmmədov, Aynur Dadaşova, Ramil Nabran, Rüfət Axundov, Ülkər Yaşarqızı, Qurd (Fərid Eminov), rəqqasə Fatimə Fətəliyeva və digər mədəniyyət və incəsənət xadimləri çıxışları ilə yadda qalıblar.
Tədbirin aparıcılığını Tural Ozan və Ramilə Bünyatova edib. Bu layihə tədbirdən sonra ayrılmış qrafik əsasında 32 uşağın sünnət mərasimi başlayacaq.
Sonda şəhid və qazi ailələri dövlətimizin onlara olan xüsusi diqqət və qayğısından razılıq edib, bu tədbirin təşkilatçılarına təşəkkürlərini bildiriblər.
Kəmalə Nəsibova
Bütün xəbərlər Facebook səhifəmizdə
USD
EUR
GBP
RUB