Moskvanın bir təşkilat olaraq Avropa Birliyi ilə heç bir əlaqəsi yoxdur, əlaqələr Brüssel tərəfindən məhv edilib. Bu sözləri xarici işlər naziri Sergey Lavrov çinli həmkarı Vanq Yi ilə danışıqlardan sonra söyləyib.
"Əgər Avropa bu münasibətləri pozubsa, sadəcə illərdir yaradılmış bütün mexanizmləri məhv edibsə və yalnız ayrı-ayrı Avropa ölkələrindən öz milli maraqlarını rəhbər tutmaq istəyən tərəfdaşlarımız varsa, yəqin ki, obyektiv olaraq bu əlaqələrimizi inkişaf etdirməliyik. Çin daha sürətli, Avropa ölkələri ilə münasibətlərdə qalanlardan daha çox inkişaf edir", deyə nazir qeyd edib.
Lavrov həmçinin vurğulayıb ki, Avropa Birliyi, öz növbəsində, Rusiya ilə təmaslarda bu anomaliyanın aradan qaldırılmasını məqsədəuyğun hesab edərsə, Moskva bərabərlik əsasında "əlaqələr qurmağa" hazırdır.
"Ancaq Qərb cəbhəsində heç bir dəyişiklik olmasa da, Şərqdə hər il daha da zənginləşən çox intensiv bir gündəmimiz var", deyə Lavrov bəyan edib.
Xatırladaq ki, son vaxtlar Avropa Birliyi ilə Rusiya arasındakı ziddiyyətlər Aleksey Navalnı ətrafında vəziyyətə görə artıb. Brüssel yeni anti-Rusiya sanksiyalarını tətbiq edir. Xarici İşlər Nazirliyi onları "çıxılmaz və qanunsuz bir yol" adlandırıb və cavab verəcəyinə söz verib.
Qeyd edək ki, Rusiya liderinin mətbuat katibi Dmitri Peskovun sözlərinə görə isə, Moskvaya qarşı sanksiya siyasətinin uğursuz olduğuna Kreml əmindir.
Bütün xəbərlər Facebook səhifəmizdə
USD
EUR
GBP
RUB